मुरलीधरन यांना महाराष्ट्रातून राज्यसभेची उमेदवारी

मुंबई : पोलीसनामा अॉनलाईन

राज्यसभेसाठी भाजपनं मुरलीधरन यांना उमेदवारी दिल्याची माहिती सूत्रांनी दिली आहे. राज्यसभेवर महाराष्ट्रातून भाजपच्या कोट्यातून तीन खासदार जाणार आहेत. यापैकी प्रकाश जावडेकर आणि नारायण राणे यांची उमेदवारी निश्चित झाल्यानंतर आता तिसऱ्या जागेसाठी व्ही. मुरलीधरन यांची निवड झाली आहे. केरळचे असलेल्या मुरलीधरन यांना भाजपनं महाराष्ट्रातून उमेदवारी देण्यात आल्याची माहिती सूत्रांनी दिली आहे.

कोण आहेत मुरलीधरन?

– मुरलीधरन सध्या केरळ भाजप प्रदेशाध्यक्ष आहेत.

– २०१० आणि २०१३ मध्ये केरळ प्रदेशाध्यक्ष बनले.

– मुरलीधरन यांनी डाव्यांचा गड केरळमध्ये पावणे सहा लाख सदस्यावरून २० लाख भाजप सदस्य बनवले.

– २००९ मध्ये ६.४ टक्के मतदारांनी भाजपला मत दिले तर २०१४ मध्ये १०.८ टक्के मतदारांनी भाजपला मत दिले.

– ५९ वर्षीय मुरलीधरन यांनी यापूर्वी पक्षातील विविध पदावर काम केले

– इंग्लिश लिटरेचर मध्ये पदवी घेतली आहे

– अखिल भारतीय विद्यार्थी परिषदेत काम केले

– १९७५ ते १९७७ दरम्यान आणीबाणीत कारावास भोगला

– १९७८ मध्ये एबीव्हीपी तालुका अध्यक्ष

– १९८० मध्ये एबीव्हीपी राज्य सरचिटणीस बनले

– १९८३ मध्ये नोकरी सोडून पूर्ण वेळ संघाचे काम सुरू केले

– मुंबईत १९९४ ते १९९६ दरम्यान एबीव्हीपीचे अखिल भारतीय सरचिटणीस म्हणून काम केले.

– १९९८ च्या लोकसभा निवडणूकीत दिल्लीतील भाजप निवडणूक नियंत्रण कक्षाचे काम पाहिले

– वाजपेयी सरकार असताना नेहरू युवा केंद्राचे उपाध्यक्ष म्हणून नियुक्ती झाली