युद्ध, फ्लाइट क्रॅश, कर्करोगानंतरही महिलेने ‘कोरोना’वर केली मात; साजरा केला 100 वा वाढदिवस
पोलीसनामा ऑनलाइन टीम – अमेरिकेत सतत कोरोनाने होणाऱ्या मृत्यूच्या दरम्यान एक अशी बातमी समोर आली आहे, जी जाणून तुम्हीही म्हणाल की, जर कोणी जगण्याचा दृढ निश्चय केला तर कोणताही रोग त्याला पराभूत करू शकत नाही. असेच काहीतरी अँड्र्यू नावाच्या वृद्ध महिलेच्या बाबतीत घडले, जिने महायुद्धात आणि विमान अपघातात मृत्यूला चकवा देऊन कोरोनालाही हरण्यास मजबूर केले. कोरोनातून बरे होऊन या महिलेने आपला 100 वा वाढदिवस साजरा केला.
गेल्या मे महिन्यात जॉन अँड्र्यू कोरोना पॉझिटिव्ह आढळल्या. त्यांची प्रकृती पाहून त्यांच्यावर उपचार करत असलेल्या केअर होम कर्मचाऱ्यांना त्या जिवंत राहू शकतील अशी अपेक्षा नव्हती, पण अ‍ॅन्ड्र्यूने पुन्हा एकदा जीवनाची लढाई जिंकली. कोरोनापासून बरे झाल्यानंतर, त्यांनी पुन्हा एकदा सिद्ध केले की, एखाद्या व्यक्तीजवळ आत्मविश्वास असेल, तर तो काहीही करू शकतो.
कोरोनावर मात केल्यानंतर अँड्र्यूने आपला 100 वा वाढदिवस कुटुंबासह साजरा केला. त्यांच्या जन्म 1920 मध्ये उत्तर लंडनमध्ये झाला होता आणि तिथेच त्या मोठ्या झाल्या. अभ्यास संपल्यानंतर दुसर्‍या महायुद्धात त्या हवाई दलात रुजू झाल्या आणि त्यांचा ड्यूटी बॉम्बर कमांडच्या ऑपरेशन रूममध्ये होती. युद्धादरम्यान त्यांनी जर्मनीवर बॉम्ब टाकून धोरणात्मक निर्णायक भूमिका बजावली. दुसर्‍या महायुद्धात लिबियात विमान अपघातानंतर अ‍ॅन्ड्र्यूला स्तन कर्करोगाने गाठले, परंतु कर्करोगाचा पराभव करून त्या परत आल्या. युद्ध संपल्यानंतर त्यांनी जर्मनीतील एका यहुदी माणसाशी लग्न केले आणि बर्‍याच वर्षांपासून ते स्मृतिभ्रंशााने त्रस्त होते. अँड्र्यूच्या वाढदिवशी त्यांची मुलगी मिशेल एन्ड्यूने लिहिले की, तिला तिच्या आईचा अत्यंत अभिमान आहे. तिने सर्वांत नेत्रदीपक आणि आश्चर्यकारक जीवन जगले. ही कामगिरी तिच्या कामाच्या भव्य यादीमध्ये समाविष्ट झाली आहे.