दहावी-बारावीच्या परीक्षेत शेकडो ‘ड’ विद्यार्थ्यांना चांगल्या मार्काने पास करण्यासाठी पाथर्डी तालुक्यातील काही निवडक संस्थामधून शिक्षण विभागाच्या आशीर्वादाने वर्षभरातील उपस्थिती व अभ्यासक्रमांच्या सोपस्काराला फाटा देवून ‘अर्थ’पूर्ण तडजोडीतून कागदोपत्री घोडे नाचवत सोईस्करपणे प्रवेश व परीक्षेला बसवले जात आहे. त्यामुळे मात्र तालुक्यातील स्थानिक अभ्यासू विद्यार्थ्याचे स्वप्न धुळीस
मिळत आहे.
मसूद अजहरला आंतरराष्ट्रीय दहशतवादी घोषित करा ; ‘या’ 3 बड्या राष्ट्रांची मागणी
पाळेमुळे पुण्यापर्यंत
गेल्या तीन वर्षात शिक्षण विभागाने जिल्ह्याबाहेरील हजारो विद्यार्थ्यांना तालुक्यातील ठराविक संस्थामधून प्रवेश दिल्याबाबत तसेच कॉपी प्रकरणी काय कार्यवाही केली, याबाबतच्या अहवालाची अधिकाराअंतर्गत माहिती मागवली असता त्या अर्जाला केराची टोपली दाखवली गेली आहे. त्यामुळे कॉपीच्या पॅटर्नची पाळेमुळे पुण्यापर्यंत असल्याचे स्पष्ट होत आहे.
विद्यार्थी परमिटरूमवर ?
परीक्षा देण्यासाठी जिल्हया बाहेरून आलेले ऐन पस्तीशीतील युवक-युवती रात्री परमिट रूम, पानटपऱ्या, बाजारपेठ याभागात अर्धनग्न कपडे घालून फिरताना आढळून येतात. जिल्ह्या बाहेरील विद्यार्थ्यामुळे तालुक्यातील शिक्षनाचा दर्जा खालावला असून त्यामुळे स्थानिक अभ्यासू विद्यार्थी स्पर्धेत मागे पडून मोठा अन्याय होत आहे.