पिंपरी : पोलीसनामा ऑनलाईन – देहूरोड पोलिसांनी सराईत असलेल्या दोन गुंडास दोन वर्षांसाठी तडीपार करण्यात आले आहे. तर यापूर्वी देहूरोड पोलिसांनी आणखी १५ गुन्हेगारांवर तडीपारीची कारवाई केली आहे. अरबाज फारुख शेख (२०, रा. आंबेडकर नगर, देहूरोड), हर्षल उर्फ बंटी संभाजी काळोखे (२३, रा. देहूगाव), अशी तडीपार केलेल्या आरोपींची नावे आहेत.
वरिष्ठ पोलीस निरीक्षक मनीष कल्याणकर यांनी दिलेल्या माहितीनुसार, अरबाज हा देहूरोड पोलिसांच्या रेकॉर्डवरील गुन्हेगार आहे. त्याच्यावर दंगल करून वाहनांची तोडफोड करणे, दरोडा टाकणे, कायदा आणि सुव्यवस्थेचा प्रश्न निर्माण करणे अशा प्रकारचे गुन्हे दाखल आहेत. यामुळे नागरिकांमध्ये त्याची दहशत निर्माण होऊ लागल्याने त्याला सहा महिन्यांसाठी तडीपार करण्यात आले आहेत. आरोपी हर्षल याच्या विरोधात खुनाचा प्रयत्न, दुखापत, कायदा आणि सुव्यवस्थेचा प्रश्न निर्माण करणे अशा प्रकारचे गुन्हे दाखल आहेत. त्यामुळे त्याला देखील पुणे जिल्ह्यातून दोन वर्षांसाठी तडीपार करण्यात आले आहे. पुढील काळात आणखी १५ गुन्हेगारांवर तडीपारीची कारवाई करण्यात येणार आहे.
ही कारवाई परिमंडळ दोनचे पोलीस उपायुक्त विनायक ढाकणे, देहूरोड विभागाचे सहाय्यक पोलीस आयुक्त संजय नाईक पाटील, वरिष्ठ पोलीस निरीक्षक मनीष कल्याणकर यांच्या मार्गदर्शनाखाली पोलीस उपनिरीक्षक गणेश गायकवाड, पोलीस कर्मचारी अनिल जगताप, राजेंद्र कुरणे, नारायण तेलंग, हेमंत गायकवाड यांच्या पथकाने केली.
Visit : Policenama.com
- तुम्ही रात्री झोपताना केस धुता का ? होऊ शकते ‘ही’ समस्या
- ‘या’ 3 पद्धतीने मनाला ठेवा काबूत, सुखी आणि समाधानी आयुष्यासाठी जरूरी
- ‘ही’ आहेत दम्याची १० लक्षणे, खोकला साधा समजून दुर्लक्ष करू नका
- धुम्रपानापासून दूर राहणारांना जपानी कंपनीकडून ‘या’ सोयी, सवलती
- ‘बॉडीक्लॉक’ बिघडले तर आरोग्यही बिघडते, ‘या’ 5 प्रकारे घ्या काळजी
- एकट्याने जेवण करण्याचे ‘हे’ आहेत 5 धोके ! निर्माण होतात आरोग्य समस्या
- थोडा व्यायाम करा…आणि टेन्शन पळवून लावा, जाणून घ्या खास उपाय