नवी दिल्ली : वृत्तसंस्था – सोशल मीडियावर अनेक हृदयस्पर्शी व्हिडिओ व्हायरल होत असतात. असाच एक व्हिडिओ नुकताच व्हायरल झाला आहे. सोशल मीडियावर एका 23 वर्षीय विद्यार्थ्याच्या कामाचे कौतुक होत आहे. वास्तविक, अहमदाबादच्या जुहापुरा येथे यांत्रिकी अभियांत्रिकीचा शिक्षण घेत असलेल्या आबिद मन्सूरीने सामान्य छत्रीचे रूपांतर ‘सौर छत्री’ मध्ये केले आहे. अहमदाबाद पोलिसांना मदत करण्यासाठी त्याने हे केले. आपले जवान कडक उष्णतेतही आरामात आपले कर्तव्य बजावू शकतील, म्हणून आबिदने ही सौर छत्री तयार केली आहे. त्यात उष्णता टाळण्यासाठी एक लहान पंखा, प्रकाशासाठी लाइट आणि मोबाइल चार्जिंग पॉईंट आहे.
This ❤️
Adib Mansuri, 23, mechanical engineering student frm Juhapura in #Ahmedabad developed a solar-umbrella for @AhmedabadPolice
deployed at the ‘Quarantine Cluster Areas’. It has solar mini fan to beat heat,low-energy light & a mobile charging point. #grato
@liveahmedabad11 pic.twitter.com/uyHGvwwj4P— Kumar Manish (@kumarmanish9) May 15, 2020
ट्विटर यूजर कुमार मनीष यांनी ही माहिती आणि फोटो ट्विट केले आहेत. तसेच या पोस्टवर त्यांनी लिहिले की, ‘अबिदने जुहापुराच्या उजाला सर्कल जवळ दोन’ सौर छत्री ‘ठेवली आहे. तो याप्रमाणे आणखी पाच छत्र्या तयारी करीत आहे. आबिद हा एलजी इन्स्टिट्यूट ऑफ इंजिनीअरिंग अँड टेक्नॉलॉजीचा विद्यार्थी आहे, जे त्याला या कामात मदत करीत आहे.
दरम्यान, ‘सौर छत्री’ वापरणारे पोलिस त्याचे कौतुक करत आहेत. कुमार मनीष यांच्या या ट्विटला आतापर्यंत 3 हजार लाईक्स आणि 800 हून अधिक री-ट्वीट मिळाले आहेत.