Coronavirus : राज्यात दिवसभरात ‘कोरोना’चे 3581 नवीन रुग्ण, 57 जणांचा मृत्यू
file photoमुंबई : पोलीसनामा ऑनलाइन – राज्यातील कोरोनाचा (Maharashtra Coronavirus Update) संसर्ग अद्यापही वाढतच आहे. शनिवारी (दि.9) दिवसभरात 3 हजार 581 नवीन कोरोना रुग्ण आढळून आले आहेत. तर कोरोनातून बरे झालेल्या एकूण 2 हजार 401 रुग्णांना डिस्चार्ज देण्यात आला आहे. त्यामुळे आतापर्यंत 18 लाख 61 हजार 400 रुग्ण कोरोनामुक्त झाले आहेत. या आकडेवारीनुसार राज्यातील रुग्ण बरे होण्याचे प्रमाण 94.7 टक्के इतके झाले आहे. अशी माहिती राज्याच्या आरोग्य विभागाने दिली आहे.
राज्यातील कोरोनाबाधितांची एकूण संख्या आता 19 लाख 65 हजार 556 वर पोहचली आहे. सध्या राज्यात 52 हजार 960 अ‍ॅक्टिव्ह केसेस आहेत. राज्यात सर्वाधिक अ‍ॅक्टिव्हरुग्ण पुणे जिल्ह्यात असून पुणे जिल्ह्यात 14 हजार 207 अ‍ॅक्टिव्ह केसेस आहेत. पुण्यानंतर ठाण्यात 10 हजार 459 तर मुंबईत 7 हजार 680 आणि नागपूरमध्ये 5 हजार 170 अ‍ॅक्टिव्ह रुग्ण आहेत.
Maharashtra reports 3581 new #COVID19 cases, 2401 discharges and 57 deaths today.
Total cases 19,65,556
Total recoveries 18,61,400
Death toll 50,027Active cases 52,960 pic.twitter.com/g6tas3xo8z
— ANI (@ANI) January 9, 2021
राज्यात आज 57 रुग्णांचा मृत्यू झाला असून राज्यात आजपर्यंत 50 हजार 027 रुग्णांचा कोरोनामुळे मृत्यू झाला आहे. त्यामुळे राज्यातील मृत्यू दर 2.55 इतका झाला आहे. राज्यात सर्वाधिक मृत्यू मुंबईमध्ये झाले आहेत. मुंबईत 11 हजार 181 रुग्णांचा मृत्यू झाला आहे. तर पुणे जिल्ह्यात 7821 जणांचा मृत्यू झाला आहे. ठाण्यात 5 हजार 631 रुग्णांचा उपचारादरम्यान मृत्यू झाला आहे.
आजपर्यंत तपासण्यात आलेल्या 1 कोटी 33 लाख 38 हजार 488 प्रयोगशाळा नमुन्यापैकी 19 लाख 65 हजार 556 जणांचे अहवाल पॉझिटिव्ह आले आहेत. राज्यात रुग्ण आढळून येण्याचे प्रमाण 14.74 टक्के आहे. सध्या राज्यात 2 लाख 34 हजार 545 होम क्वारंटाईन आहेत. तर 2 हजार 474 व्यक्ती संस्थात्मक क्वारंटाईनमध्ये आहेत.