‘कोरोना’ संसर्गाची आणखी 3 नवीन लक्षणे आली समोर, CDC नं COVID-19 च्या लक्षणांच्या यादीत केलं ‘समाविष्ट’, जाणून घ्या

नवी दिल्ली : वृत्तसंस्था – भारतात कोरोना संसर्गाचे प्रमाण झपाट्याने वाढत आहे. देशात मुंबई, दिल्लीसारख्या शहरांमध्ये दररोज 3 हजारांहून अधिक कोरोना संसर्गाची प्रकरणे समोर येत आहेत. कोरोना संसर्गाचे प्रमाण वाढत असल्याने संसर्गाची नवीन लक्षणेही समोर येत आहेत. आतापर्यंत, अमेरिकेत हेल्थ अँड सेफ्टी एजन्सी सेंटर फॉर डिसीज कंट्रोल अँड प्रिव्हेंशन (सीडीसी) ने कोरोना संसर्गाची 8 लक्षणे नोंदविली गेली आहेत. दरम्यान, 3 नवीन लक्षणे जोडली गेल्याने, आता या यादीमध्ये एकूण कोरोना संसर्गाची 11 लक्षणे आढळली आहेत.

कोरोना संसर्गाची तीन नवीन लक्षणे –
– अमेरिकन सीडीसी संस्थेच्या म्हणण्यानुसार, एखाद्या व्यक्तीला उलट्या होणे सुरू झाल्यास त्याने त्वरित स्वत:ला क्वारंटाईन केले पाहिजे. बर्‍याच वेळा पाहिले आहे की, बरेच लोक असेही असतात, ज्यांना सामान्य दिवसातही अ‍ॅलर्जीमुळे मळमळ होते. परंतु, जर एखाद्या व्यक्तीला असे होत नसेल आणि अचानक मळमळ सारखे होत असेल तर, त्याने ताबडतोब कोरोना तपासणी करून घ्यावी. कारण त्याला कोरोना संसर्ग होण्याची शक्यता आहे. कारण बर्‍याच रुग्णांत आता हे लक्षण दिसून येत आहे.

– यासह, सीडीसीने नोंदविलेले कोरोनाचे दुसरे लक्षण म्हणजे अतिसार. पूर्वी, बर्‍याच डॉक्टरांचा असा विश्वास होता की, कोरोना संक्रमणासह रुग्णांत अतिसार किंवा याच्याशी मिळती जुळती लक्षणे आढळतात. दरम्यान, सीडीसीने आता ओळखले आहे की, जगभरात कोरोना-संक्रमित रुग्णांमध्ये अतिसाराची लक्षणे आढळून येत आहेत.

– वाहणारे नाक – आतापर्यंत सर्दी, खोकला आणि सर्दीमुळे आवश्यक नव्हते कि तुम्हाला कोरोना असेल. दरम्यान, जर आपले नाक सतत वाहत असेल आणि आपल्याला आतून बरे वाटत नसेल आणि ताप नसेल तरीही आपण कोरोना तपासणी करून घ्यावी. कारण आपण कोरोना संक्रमित असण्याची शक्यता आहे.

सीडीसी यादीमध्ये एकूण 11 लक्षणांचा समावेश –
दरम्यान, आता सीडीसी यादीमध्ये कोरोना संसर्गाची 11 लक्षणे आहेत. यापूर्वी या यादीमध्ये केवळ 8 लक्षणे होती. दिवसेंदिवस कोरोना संसर्गाच्या बाबतीत होणारी वाढ आणि कोरोना इन्फेक्शनची लक्षणे पाहता ही लक्षणे समाविष्ट केली गेली आहेत. यात ताप आणि थंडी, कफ, श्वासोच्छवासाची समस्या, थकवा, शरीरावर वेदना, डोकेदुखी, चव नसणे, घसा खवखवणे, वाहणारे नाक, मळमळ आणि अतिसारची लक्षणे यांचा समावेश आहे.