कलम ३७० बद्दल जनजागृतीसाठी भाजपची ब्लूप्रिंट तयार ; राबवणार देशव्यापी अभियान
File Photoनवी दिल्ली : वृत्तसंस्था – भारतीय जनता पार्टी (भाजप) मोदी सरकारचा कलम ३७० हटविण्याच्या सरकारच्या निर्णयाबद्दल तपशीलवार माहिती नागरिकांपर्यंत पोहोचवण्यासाठी देशव्यापी कार्यक्रम आयोजित करण्याची योजना आखत आहे. पुढील एका महिन्यात जास्तीत जास्त लोकांपर्यंत पोहोचणे आणि मोदी सरकारने जम्मू-काश्मीर राज्याचा विशेष दर्जा काढून टाकण्याचा निर्णय मोदी सरकारने का घेतला हे त्यांना सांगणे हे भाजपचे उद्दीष्ट आहे.
सुप्रीम कोर्टाने कलम ३७० च्या निर्णयाला आव्हान देणार्‍या याचिकांवर सुनावणी करण्याचे मान्य करून मोदी सरकारला नोटीस पाठविली, तेव्हा भाजप यासंदर्भात विस्तृत कार्यक्रम आयोजित करण्याचा विचार करीत आहे. भाजपाची ही मोहीम ३ सप्टेंबरपासून सुरू होईल आणि ३० सप्टेंबरपर्यंत संपेल. भारतीय जनता पक्षाचे राष्ट्रीय अध्यक्ष आणि केंद्रीय गृहमंत्री अमित शहा या कार्यक्रमास प्रारंभ करणार आहेत.
संपर्क अभियान :
संपर्क अभियान आणि जन जागरण अभियान या दोन भागांत भाजपची ही मोहीम राबविली जाईल. संपर्क अभियानाचे नेतृत्व केंद्रीय मंत्री गजेंद्रसिंग शेखावत करणार आहेत. ते आपल्या पक्षाच्या ५ सहकाऱ्यांसह प्रसिद्ध आणि प्रभावी लोकांना भेटतील आणि अनुच्छेद ३७० काढून टाकल्याच्या सकारात्मक आणि भविष्यातील फायद्यांविषयी त्यांना पटवून देण्याचा प्रयत्न करतील.
संपर्क अभियानांतर्गत ५० टक्के लोकांची भेट घेतली जाईल जे भाजपच्या विचारसरणीशी सहमत आहेत आणि ५० टक्के अशा लोकांची भेट घेतली जाईल जे भाजपाच्या विचारधारेवर टीका करीत आहेत. सूत्रांनी दिलेल्या माहितीनुसार, पंतप्रधान नरेंद्र मोदी यांना स्पष्ट सूचना आहे की मोहीम सर्वव्यापी असावी आणि केवळ त्यांच्या पक्षाच्या लोकांनाच या मोहिमेत समाविष्ट करू नये.
जन जागरण अभियान :
त्याचबरोबर केंद्रीय पेट्रोलियम मंत्री धर्मेंद्र प्रधान यांच्या नेतृत्वात जन जागरण अभियान चालविण्यात येणार आहे. यासाठी शहरांमध्ये ३५ मोठे कार्यक्रम आयोजित केले जातील. या कार्यक्रमांमध्ये सुमारे २,००० ते २५०० लोकांना एकत्रित करण्याचा प्रयत्न केला जाईल, ज्यांना भाजपचे वरिष्ठ नेते आणि केंद्रीय मंत्री संबोधित करतील. यावेळी लोकांना जम्मू-काश्मीरच्या पार्श्वभूमी, इतिहास आणि विशेष स्थिती याविषयी प्रदर्शन आयोजित करण्यास देखील परवानगी दिली जाईल.
जन जागरण अभियानांतर्गत ३७० ठिकाणी सभा घेण्यात येणार आहेत. या सभांमध्ये ५०० ते एक हजार लोकांना एकत्रित करण्याचा प्रयत्न केला जाईल. या ३७० बैठकींपैकी नऊ बैठका जम्मू-काश्मीर आणि लडाख या नव्याने केंद्र शासित प्रदेशात होणार आहेत. या नऊपैकी तीन सभा जम्मूमध्ये, चार काश्मीरमध्ये आणि दोन लडाखमध्ये (एक लेह आणि एक कारगिल) होणार आहेत.
जम्मू-काश्मीरमध्ये होणाऱ्या या कार्यक्रमांमध्ये केंद्रीय गृहमंत्री अमित शहा मात्र सहभागी होणार नाहीत. देशातील सर्वात मोठे राज्य उत्तर प्रदेशात जास्तीत जास्त सभा होणार आहेत, तर बिहारमध्ये २५ आणि पश्चिम बंगालमध्ये २० सभा होणार आहेत.
- फक्त २ अक्रोडने मोकळ्या होतील शरीरातील सर्व नसा, अशाप्रकारे करा वापर
- वजन वाढण्याची चिंता आहे का ? ‘हे’ ५ पदार्थ बिनधास्त खा, वाढणार नाही वजन
- स्मोकिंग सोडल्याच्या २० मिनिटापासून ‘ते’ १० वर्षानंतर शरीरावर असा होतो परिणाम
- आपल्या बेबीसाठी सर्वात चांगले तेल कसे निवडावे ? जाणून घ्या माहिती
- हरड, बहेला, आँवला, घी सक्कर में खाए ! हाथी दाबे काँख मे, साठ कोस ले जाए !!
- तांदळाच्या पाण्याने चेहरा धुतल्याने होतात मोठे फायदे, तुम्हीही करून पहा
- पार्टीनंतर होणारा हँगओव्हर दूर करण्यासाठी मदत करतील ‘हे’ 9 उपाय
- दही-भात खाण्याचे ५ मोठे फायदे, तुम्हीसुध्दा अवश्य ट्राय करून पहा