जर्मनी: वृत्तसंस्था
‘बॉम्ब ‘असा जरी शब्द कोणी उच्च्चाराला तरी अनेकांची भांबेरी उडते. जर्मनीतील फ्रॉकफुर्ट शहरात दुसऱ्या महायुद्धात अमेरिकेने टाकलेला जिवंत बॉम्ब सापडला आणि एकच खळबळ उडाली. असा थरकाप उडवणारा अनुभव एक दोन नव्हे तर तब्बल १८ हजार पेक्षा जास्त लोकांनी घेतला.
[amazon_link asins=’B0784D7NFX,B071HWTHPH’ template=’ProductCarousel’ store=’policenama-100′ marketplace=’IN’ link_id=’7da2d7d0-a9ec-11e8-9599-e170c7a79bcf’]
जर्मनीच्या नाशक पथकाने रविवारी दुसऱ्या महायुद्धातील एक विशाल बॉम्ब डिफ्यूज केला. पण यासाठी त्या परिसरातील १८ हजार ५०० लोकांना त्यांचे घर सोडावे लागले. आठवड्यापूर्वी सापडलेला बॉम्ब पथकाने रविवारी डिफ्यूज केला. बॉम्ब सापडल्यानंतर प्रशासनाने सर्वांना रविवारी सकाळी ६ वाजेपर्यंत घर सोडण्यास सांगितले होते. त्यानंतर डिफ्यूजिंग ऑपरेशन सुरु झाले.
जर्मनीमध्ये सापडलेल्या ५०० किलोग्रॅम बॉम्बच्या आधी फ्रान्समधील नॉरमॅडी भागात एप्रिल महिन्यात २२० किलोचा बॉम्ब सापडला होता. तर फ्रॉकफुर्टमध्ये गेल्या वर्षी १.८ टनाचा बॉम्ब सापडला होता. तो बॉम्ब इंग्लंडने दुसऱ्या महायुद्धात टाकला होता. तेव्हा ६० हजार लोकांना परिसरातून बाहेर काढण्यात आले होते.
