नवी दिल्ली,वृत्तसंस्था : क्रिकेटच्या कोणत्याही स्वरुपात सलग तीन शतके ठोकणे फार कठीण आहे. मात्र, श्रीलंकेचा दिग्गज कुमार संगकाराने वनडे क्रिकेटमध्ये सलग चार शतके ठोकून नवीन रेकॉर्ड केला आहे. त्याची ही कामगिरीची वर्ल्ड रेकॉर्ड म्हणून नोंद घेण्यात आली आहे. पण दक्षिण आफ्रिकेच्या फलंदाजाने आपल्या कारकीर्दीत शतकांचा असा पराक्रम केला आहे, जो संपूर्ण जगात आणखी दोन कोणाच्या नावावर आहे. हा कारनामा म्हणजे फर्स्‍ट क्‍लास क्रिकेटमध्ये सलग सहा सामन्यात शतक ठोकण्याचा, आणि हा विक्रम करणारा फलंदाज म्हणजे दक्षिण आफ्रिकेचा ऑल राउंडर माइक प्रॉक्टर. माइक प्रॉक्टरने 1971 मध्ये आजच्या दिवशीच म्हणजेच 5 मार्च रोजी हा रेकॉर्ड केला होता.
माइक प्रॉक्टरने रोडेशियाकडून खेळताना वेस्टर्न प्रोव्हिन्सविरुद्ध आपले ऐतिहासिक शतक ठोकले होते. यासह त्याने सलग सहा सामन्यात सहा शतके ठोकण्याच्या बाबतीतही दोन दिग्गज क्रिकेटपटूंची बरोबरी केली. वास्तविक सर डॉन ब्रॅडमन आणि सीबी फ्राय यांनीही सलग सहा सामन्यात सहा शतके ठोकली होती. 15 सप्टेंबर 1946 रोजी जन्मलेल्या प्रॉक्टरची 1970 मध्ये विस्डेन क्रिकेटर ऑफ दी इयर म्हणून निवड झाली होती. क्रिकेटमधून निवृत्तीनंतर आंतरराष्ट्रीय क्रिकेट कौन्सिलने त्याला मॅच रेफरीची जबाबदारी दिली होती. दरम्यान, त्याचा कार्यकाळ वादविवादांनी भरलेला होता. 2007-08 मध्ये सीमा-गावस्कर ट्रॉफीमध्ये अँड्र्यू सायमंड्सवर जातीयवादी भाषणाबद्दल भारतीय फिरकीपटू हरभजन सिंगवर बंदी घालणारा माईक प्रॉक्टरचा होता. दरम्यान, नंतर ही बंदी मागे घेण्यात आली.
21 हजारांहून अधिक धावा, 1400 पेक्षा जास्त विकेट
दक्षिण आफ्रिकेचा फलंदाज माइक प्रॉक्टरने देशासाठी 7 कसोटी सामने खेळले. यात त्याने 25.11 च्या सरासरीने केवळ 226 धावा केल्या. माईकला 10 डावात अर्धशतकसुद्धा करता आले नाही आणि त्याची सर्वोच्च धावसंख्या 48 होती. दरम्यान, या 7 कसोटींमध्ये त्याने 41 विकेट्स घेतल्या आणि डावात 73 धावा देऊन 6 विकेट्स घेऊन आपल्या सर्वोत्कृष्ट कामगिरीची नोंद केली. याशिवाय माइकने 401 प्रथम श्रेणी सामनेही खेळले. यात त्याने 36.01 च्या सरासरीने 48 शतके आणि 109 अर्धशतकांसह 21936 धावा केल्या आहेत. तसेच प्रथम श्रेणी सामन्यांत त्याच्या नावावर 1417 विकेटही आहेत. 271 लिस्ट ए सामन्यात 6624 धावा करण्याबरोबरच प्रॉक्टरने 344 विकेट्स घेतले. या स्वरुपात त्याच्याकडे 5 शतके, 36 अर्धशतके आणि सरासरी 27.94 अशी शतके आहेत. त्याने लिस्ट ए मध्ये नाबाद 154 धावांची खेळी केली.