ताज्या बातम्या

रेल्वेची मोठी घोषणा ! 12 सप्टेंबरपासून धावणार 80 नवीन पॅसेंजर ट्रेन, 10 तारखेपासून करू शकाल आरक्षण

railway file photo

नवी दिल्ली : वृत्तसंस्था –  १२ सप्टेंबरपासून ८० नवीन विशेष गाड्या सुरू करण्यात येणार आहेत. यासाठी बुकिंग १० सप्टेंबरपासून सुरू होईल. रेल्वे बोर्डाचे अध्यक्ष व्ही.के. यादव यांनी सांगितले की, या गाड्या आधीच चालवल्या जाणाऱ्या २३० गाड्यांव्यतिरिक्त चालवण्यात येतील. रेल्वे मंत्रालयाने यापूर्वी अनेक कामगार विशेष ट्रेन सेवांसह आयआरसीटीसी विशेष रेल्वे सेवा सुरू केली होती. कोविड-१९ महामारीमुळे सध्या सर्व प्रवासी रेल्वे सेवा निलंबित करण्यात आल्या आहेत. सध्या देशात २३० विशेष गाड्या चालवल्या जात आहेत.

‘क्लोन’ गाड्या चालवल्या जातील

रेल्वे बोर्डाचे अध्यक्ष म्हणाले की, विशेष गाड्यांच्या परिचालनांवर नजर ठेवली जाईल आणि ज्या ठिकाणी रेल्वेची मागणी असेल किंवा लांब प्रतीक्षा यादी असेल, तेथे ‘क्लोन’ गाड्या चालवल्या जातील. राज्य सरकारांच्या विनंतीनुसार परीक्षा किंवा अशा कोणत्याही उद्देशाने गाड्या चालवल्या जातील.

रेल्वेमधून प्रवास करताना आवश्यक असलेल्या या नियमांचे अनुसरण करणे

रेल्वेने स्थानक परिसरात आणि प्रवासादरम्यानही फेस मास्क घालणे बंधनकारक केले आहे. स्टेशनवर थर्मल स्क्रीनिंग घेण्यासाठी सर्व प्रवाश्यांनी किमान ९० मिनिटे अगोदर स्टेशनवर पोचणे आवश्यक आहे.

केवळ ज्या लोकांमध्ये कोरोनाची कोणतीही लक्षणे दिसणार नाहीत, त्यांना विशेष ट्रेनमध्ये प्रवास करण्याची परवानगी दिली जाईल. या व्यतिरिक्त सर्व सामाजिक अंतरांची काळजी घ्यावी लागेल.

प्रवाशांना त्यांच्या मोबाईलवर आरोग्य सेतु अ‍ॅप देखील स्थापित करावा लागेल. कोरोना विषाणूचा फैलाव रोखण्यासाठी भारतीय रेल्वे प्रवाशांना उशा, ब्लँकेट, पडदे यासारख्या वस्तू देणार नाही.

स्थिती सुधारल्यानंतरही एसी कोचमध्ये मिळणार नाहीत या सुविधा

कोविड-१९ महामारी नंतरही जेव्हा पुन्हा सामान्य रेल्वे सेवा सुरू होईल, तेव्हा भारतीय रेल्वे एसी कोचमध्ये प्रवास करणाऱ्या प्रवाशांना उशा, ब्लँकेट, चादर, टॉवेल्स व इतर लिननचे सामान पुरवणार नाही.

भारतीय रेल्वे सामान्य प्रवासी रेल्वे सेवा पुन्हा सुरू झाल्यानंतर या वस्तू देणे बंद करण्याची योजना आखत आहे. मात्र अद्याप यासंदर्भात कोणताही अधिकृत निर्णय घेण्यात आलेला नाही.

या वस्तू व्यतिरिक्त रेल्वेत शिजवलेले पदार्थ दिले जात नाहीत. सध्या फक्त पॅक केलेले अन्नच दिले जात आहे. असे म्हटले जात आहे की, एकदा रेल्वे सेवा सुरू झाल्यावर या पद्धतीचा अवलंब देखील केला जाऊ शकतो.