Homeताज्या बातम्याएसटीला शासनाकडून 90 कोटी रुपयांची प्रतीक्षा

एसटीला शासनाकडून 90 कोटी रुपयांची प्रतीक्षा

मुंबई : पोलीसनामा ऑनलाइन – लॉकडाउनमुळे परराज्यात जाणार्‍या कामगारांसाठी एसटी महामंडळाने मोफत बस सेवा चालवली. या सेवेपोटी एसटी महामंडळाला राज्य शासनाकडून 21 कोटी रुपये मिळाले असून 90 कोटी रक्कम मिळालेली नाही.

पायी जाणार्‍या या कामगारांसाठी राज्य शासनाच्या आदेशानुसार मोफत एसटी बस देण्यात आल्या. राजस्थान, गुजरात, बिहार, पश्चिम बंगाल, उत्तर प्रदेश राज्यात जाण्यासाठी महाराष्ट्राच्या सीमेपर्यंत बसगाडया धावल्या. यातून सुमारे 10 लाख कामगारांची वाहतूक करण्यात आली. यासाठी चालक – वाहकांनी जीव धोक्यात घालून राज्याच्या सीमेपर्यंत बस चालविल्या. तर ही सेवा देताना महामंडळाला इंधनाचाही खर्च आला.

मोफत प्रवासाचे आदेश असल्याने या सेवेपोटीची 111 कोटी रुपये रक्कम राज्य शासनाने एसटी महामंडळाला अदा करण्याचे ठरले. यातील 21 कोटी रुपये मिळाले आहेत. परंतु उर्वरित रक्कम प्राप्त झालेली नाही. याशिवाय मुंबई महानगर परिसरात अत्यावश्यक सेवेतील कर्मचार्‍यांसाठी मोफत बस प्रवास देण्यात आला. या सेवेपोटीही मुंबई पालिकेकडून 14 कोटी रुपये एसटी महामंडळाला मिळणार आहे.

Stay Connected
534,500FansLike
125,687FollowersFollow
61,453SubscribersSubscribe
Must Read
Related News