टियागो सिलवेइरा असं या मुलाचं नाव आहे. टियागोचे संपूर्ण बालपण अशा जग्वारसमवेत गेले आहे. टियागोचा जन्म हा ब्राझीलमध्ये झाला आहे. टियागोचे आई-वडील हे जीवशास्त्रज्ञ आहेत. ब्राझीलच्या एका संस्थेमध्ये ते दोघेही काम करतात. मांसभक्षक असलेला जग्वार हा कधीही माणसांवर हल्ला करत नाही, असे जीवशास्त्रज्ञ लियानार्डो सिलवेइरा यांनी सखोल संशोधन केल्यानंतर म्हटले आहे. यामुळे त्यांनी आपला मुलगा टियागोला जग्वारसमवेत वाढविले. 123 एकरांच्या भव्य जागेवर राहणार्‍या टियागोच्या कुटुंबाचे वास्तव्य अनेक जग्वारांच्या सान्निध्यात आहे. याठिकाणी 2002 मध्ये त्यांनी एका जग्वार संस्थेची स्थापना केली होती. या संस्थेत 4 बछड्यांसह 14 जग्वार आहेत.
जग्वारच्या सवयी या वाघाशी अधिक मिळत्या-जुळत्या असतात. जग्वार म्हणजे बिबट्यासारखाच दिसणारा; पण त्यापेक्षा अधिक मोठ्या आकाराचा मार्जरकुळातील प्राणी.