ठाणे : पोलीसनामा ऑनलाइन – ठाणे शहरातील तलावपाळी येथे आज (रविवार) सकाळी एका 24 वर्षीय तरुणीचा मृतदेह आढळून आल्याने खळबळ उडाली आहे. घटनेची माहिती मिळताच पोलिसांनी घटनास्थळी धाव घेत मृतदेह ताब्यात घेतला असून तरुणीची ओळख पटवण्याचे प्रयत्न करत आहेत. पोलिसांकडून परिसरातील नागरिकांकडे तरुणीबाबत चौकशी करण्यात येत असून मृतदेह शवविच्छेदनासाठी पाठवून दिला आहे.
ठाणे शहरातील तलावपाळी परिसरात दररोज सकाळी अनेक लोक वॉकिंग आणि जॉगिंगसाठी जात असतात. वॉकिंग करणाऱ्या काही लोकांना तलावपाळी परिसरात एका तरुणीचा मृतदेह पडलेला दिसला. त्या लोकांपैकी काहींनी याची माहिती पोलिसांना दिली. दरम्यान, या तरुणीने तलावात उडी मारून आत्महत्या केली असावी असा अंदाज पोलिसांनी व्यक्त केला आहे. मात्र आत्महत्या आहे की खून, जर आत्महत्या असेल तर त्याचे कारण काय याचा तपास पोलीस घेत आहेत.
मागील काही दिवसांपासून मुंबई, ठाणे परिसरात खून आणि आत्महत्येचे प्रमाण वाढले आहे. अशा प्रकारच्या अनेक घटना या परिसरात उघडकीस आल्या आहेत. काही आठवड्यापूर्वी माहीमच्या समुद्र किनाऱ्यावर एका बेवारस सुटकेसमध्ये पुरुषाच्या हातापायांचे तुकडे आढळले होते. माहीम दर्ग्याच्या पाठिमागच्या बाजूला काही तरुणांना ही सुटकेस आढळून आली होती.
फेसबुक पेज लाईक करा – https://www.facebook.com/policenama/
- दातदुखी दूर करण्यासाठी ‘या’ तेलाचा होतो फायदा ! ‘हे’ आहे ६ फायदे
- तुम्हाला ‘रेड टी’ माहित आहे का? ‘हे’ आहेत ५ आरोग्यदायी फायदे
- कपड्यांना येणारी दुर्गंधी दूर करण्यासाठी ‘या’ ७ घरगुती टिप्स !
- आठवड्यातून ५ वेळा गरम पाण्याने आंघोळ केल्यास होतो ‘हा’ फायदा
- छोट्या-छोट्या गोष्टींवर रडू येते का? ‘ही’ आहेत ९ कारणे, जाणून घ्या
- ‘योगा’मुळे कमी होते नैराश्याची तीव्रता, ‘हे’ आहेत ५ परिणाम
- भुकेमुळे राग येत असेल तर करा ‘हे’ ५ उपाय, जाणून घ्या