संजय सिंहचा आरोप – लाल किल्ल्यावर गोंधळ घालणारे भाजपचे लोक, भाजपवर देशद्रोहाचा खटला चालविला जावा
file photoनवी दिल्ली : वृत्तसंस्था – आम आदमी पक्षाचे नेते आणि राज्यसभेचे खासदार संजय सिंह यांनी कृषी कायद्याविरूद्ध सुरू असलेले आंदोलन संपविण्याच्या प्रयत्नामागे भाजपचा कट असल्याचे म्हंटले आहे. ते म्हणाले की, लाल किल्ल्यावरील गोंधळापासून सिंघू बॉर्डरवर शेतकर्‍यांवर हल्ला करणारे भाजपचे लोक आहेत. अन्नदात्यांवर भाजप हल्ले करीत आहे. संजय सिंह म्हणाले की, लाल किल्ल्याचा अपमान करणारे लोक भाजपचे होते. त्यामुळे भाजपाविरोधात देशद्रोहाचा खटला चालविला पाहिजे.
शेतकऱ्यांना आपचे समर्थन
दिल्लीत पत्रकारांशी बोलताना आप नेते संजय सिंह यांनी शेतकऱ्यांना त्यांच्या पक्षाचा पूर्ण पाठिंबा असल्याचे सांगितले. ते म्हणाले की, खेदजनक बाब म्हणजे भाजप सरकार आणि भाजप नेत्यांनी शेतकऱ्यांना अतिरेकी असल्याचे वर्णन केले. एनआयएकडून तपासणी करून घेतली. हे सर्व झाल्यावर आता अन्नदात्यांवर उघडपणे हल्ले करीत आहोत.
भाजपविरोधात देशद्रोहाचा खटला चालविला पाहिजे
संजय सिंह म्हणाले की, 26 जानेवारी रोजी शेतकऱ्यांनी ट्रॅक्टर रूटसाठी परवानगी घेतली. काही अराजक घटकांनी दोन मार्गांवर प्रवेश केला, ज्यांनी लाल किल्ल्यावर गोंधळ निर्माण झाला. लाल किल्ल्यावर भाजपने गोंधळ घातला आहे. त्यांनी म्हंटले कि, कोणाच्या परवानगीमुळे दीप सिंधू लाल किल्ल्यावर होते. ते भाजपसाठी काम करतात. त्यांचा फोटो पंतप्रधानांसोबत आहे. संजय सिंह म्हणाले की, लाल किल्ल्याचा अपमान करणारे भाजपचे लोक होते. त्यामुळे भाजपाविरोधात देशद्रोहाचा खटला चालविला पाहिजे.
सरकारने हे बिल मागे घ्यावे
पंतप्रधानांच्या वक्तव्यावर संजय सिंह म्हणाले की, या संदर्भात 11 फेऱ्या झाल्या आहेत, परंतु कोणताही निकाल लागला नाही. मी बर्‍याच वेळा म्हटले की, हा डेथ वॉरंट आहे. सरकारने हे विधेयक मागे घ्यावे.