4000 हजार रुपयांची लाच घेताना पोलीस कर्मचारी अॅन्टी करप्शनच्या जाळ्यात
औरंगाबाद : पोलीसनामा ऑनलाइन – तक्रारी अर्ज निकाली काढण्यासाठी चार हजार रुपयांच्या लाचेची मागणी करून लाच स्विकारताना हर्सूल पोलीस ठाण्यातील पोलीस हवालदाराला रंगेहाथ पकडण्यात आले. ही कारवाई आज (गुरुवार) सकाळी हर्सूल पोलीस ठाण्याच्या परिसरात करण्यात आली. सतीश यशवंतराव जाधव असे रंगेहाथ पकडण्यात आलेल्या पोलीस हवालदाराचे नाव आहे. या कारवाईमुळे पोलीस दलात खळबळ उडाली आहे.
तक्रारादार यांच्याविरोधात हर्सूल पोलीस ठाण्यात एक अर्ज दाखल झाला आहे. हा अर्ज चौकशीसाठी पोलस हवालदार सतीश जाधव यांच्याकडे होता. जाधव यांनी तक्रारदार यांना पोलीस ठाण्यात बोलावून घेतले होते. त्यावेळी जाधव यांनी तुझ्याविरोधात आलेल्या अर्जाची अधिक चौकशी न करता अर्ज निकाली कढण्यासाठी चार हजार रुपयांची लाच मागितली. तक्रारदाराला लाच देण्याची इच्छा नसल्याने त्यांनी औरंगाबाद लाचलुचपत प्रतिबंधक विभागाकडे तक्रार केली. लाचलुचपत विभागाच्या पथकाने पंचासमक्ष पडताळणी केली असता जाधव याने लाच मागितल्याचे निष्पन्न झाले. लाचलुचपत प्रतिबंधक विभागाच्या पथकाने हर्सूल पोलीस ठाण्यात सापळा रचून पोलीस हवालदार सतीश जाधव याला तक्रारदाराकडून लाच स्विकारताना रंगेहाथ पकडण्यात आले.
ही कारवाई लाचलुचपत प्रतिबंधक विभागाचे पोलीस निरीक्षक विकास घनवट यांच्या मार्गदर्शनाखाली पथकाने केली. सरकारी कामासाठी लोकसेवक लाचेची मागणी करीत असल्यास नागरिकांनी लाचलुचपत प्रतिबंध विभागाकडे तक्रार करावी, असे आवाहन लाचलुचपत प्रतिबंधक विभागाच्या वतीने करण्यात आले आहे. तसेच लाचलुचपत प्रतिबंधक विभागाच्या १०६४ या हेल्पलाईन क्रमांकावर संपर्क साधावा.
- ‘या’ १० सौंदर्य समस्या करा दूर, नाही पैशांची आवश्यकता, अवश्य करा ‘हे’ उपाय
- या लोकांनी टाळावे ‘चायनीज फूड’! खात असाल, तर हे आवश्य जाणून घ्या
- प्राचीन उपायांनी वाढवा सौंदर्य, वर्षानुवर्षे होतोय वापर, ‘हे’ १० पदार्थ उपयोगी
- छोटी विलायचीत अनेक औषधी गुणधर्म, होतील ‘हे’ ५ आरोग्यदायी फायदे
- प्रवास करताना उलटी का होते? ‘हे’ ५ उपाय केल्यास मिळेल आराम, जाणून घ्य
- झोपण्यापुर्वी पुरुषांनी प्यावे यापैकी एक ड्रिंक, होतील ‘हे’ ७ खास फायदे
- हे जेवणानंतर खा फक्त दोन चिमुट,आरोग्यसंबंधित होतील अनेक फायदा
- रोज १ आवळा खाल्ल्यास शरीरावर होतील ‘हे’ ९ चांगले प्रभाव
- नियमित प्या ‘गहू तृणरस’, संधीवातासह ‘हे’ १० आजार होतील दूर, जाणून घ्या
- रात्री उशीखाली ठेवा एक ‘लसणाची पाकळी’ आणि मग पाहा चमत्कार!
- ‘किडनी ट्रांसप्लांट’नंतर अशी घेतली जाते काळजी, निरोगी ठेवण्यासाठी ‘हे’ करा