हैदराबाद : वृत्तसंस्था
ज्येष्ठ अभिनेते आणि तेलगू देसम पार्टीचे नेते नंदमुरी हरिकृष्णा यांचा भीषण अपघातात मृत्यू झाला आहे . आज सकाळी नलगोंडा जिल्ह्यातील नरकटपल्ली-अड्डकनी महामार्गावरून जात असताना हरिकृष्णा यांच्या वाहनाला अपघात झाला होता. या अपघातात गंभीर जखमी झालेल्या हरिकृष्णा यांना तातडीने रुग्णालयात दाखल करण्यात आले मात्र तेथेच त्यांची प्राणज्योत मालवली.
[amazon_link asins=’B07D11MDBS,B075FY4RWK’ template=’ProductCarousel’ store=’policenama-100′ marketplace=’IN’ link_id=’72901455-ab48-11e8-a575-877b4b47bc50′]
अपघातावेळी ते स्वत: वाहन चालवत होते.अपघाविषयी मिळालेल्या माहितीनुसार भरधाव वेगात असणाऱ्या कारच्या अपघातानंतर हरिकृष्णा चालकाच्या जागेवरुन बाहेर फेकले गेले. ज्यामुळे त्यांच्या डोक्याला जबर दुखापत झाली. त्यानंतर लगेचच सकारळी साडेसात वाजण्याच्या सुमारास त्यांना कामिनेनी रुग्णालयात नेण्यात आलं. पण, तिथेच त्यांना मृत घोषित करण्यात आले. त्यांच्या पश्चात पत्नी, मुलगी सुहासिनी आणि मुलं कल्याण राम आणि नंदमुरी तारका राम राव असा परिवार आहे. नंदमुरी यांची दोन्ही मुलं अभिनय क्षेत्रात सक्रिय आहेत.