बार मालकानं असं काय केलं की, 500 रुपयांच्या बीयरसाठी ग्राहकानं दिली 2 लाखांची टीप

पोलीसनामा ऑनलाइन टीम  –   कोरोनाची वाढती प्रकरणे केवळ आपल्या देशातच नव्हे तर जगभरात दिसून येत आहेत. अशा परिस्थितीत जे लोक शहाणे आहेत आणि इतरांबद्दल काळजी करतात ते सर्व काळजी घेत आहेत. असे काही लोक आहेत जे परिस्थिती अनियंत्रित असूनही त्यांना काही फरक पडत नाही. ते म्हणतात की जगात फक्त वाईटच नाही तर चांगले लोकही असतात. चांगुलपणाच्या उदाहरणाची एक कहाणी सोशल मीडियावर चर्चेत आहे.

ही कथा न्यूयॉर्कची आहे आणि या कथेत एक नाही तर दोन हिरो आहेत.

पहिला हिरो बारचा मालक ब्रेंडन रिंग आहे तर दुसरा हिरो त्यांचा शेवटचा ग्राहक आहे जो बारमध्ये बिअर प्यायला आला होता. कोरोनाचे वाढते प्रकरण बघून क्लेव्हलँडच्या नाईट टाऊन बारच्या मालक ब्रेंडन रिंगने सरकारने लॉकडाउन जाहिर करण्यापूर्वीच बार बंद करण्याचा निर्णय घेतला. त्याच वेळी, बार बंद करण्यापूर्वी तेथे आलेला हा शेवटचा ग्राहक ब्रेंडन आणि त्याच्या कर्मचार्‍यांच्या या निर्णयामुळे आनंदित झाला आणि त्यांच्या मदतीसाठी दोन लाख रुपयांहून अधिक रक्कम दिली.

बारच्या या शेवटच्या ग्राहकाने बार कर्मचार्‍यांना 7 डॉलरच्या बिअरसाठी 3000 डॉलरची टिप दिली. तसेच बिल स्लिपवर त्यांनी ब्रेंडन आणि त्याच्या कर्मचार्‍यांसाठी लिहिले की, ‘हे तुमच्या स्टाफच्या सदस्यांसह विभागून दया.’

7 डॉलरच्या बिअरवर इतकी मोठी टिप रक्कम पाहून ब्रेंडनला प्रथमच धक्का बसला आणि त्याला वाटले की कदाचित ग्राहकाने चुकून इतकी मोठी रक्कम टिपात दिली असेल. ब्रॅंडनने ग्राहकांना याबद्दल सांगण्यासाठी त्याच्यामागे धाव घेतली. बारमधून बाहेर पडताच त्यांना तो ग्राहक तिथे उभा दिसला. तो ग्राहकाला काही बोलण्यापूर्वी तो त्यांच्याकडे पाहून म्हणाला, “ही चूक नाही, हे आपणा सर्वांसाठी आहे, बार उघडल्यानंतर आपण पुन्हा भेटू आणि मग कोणतीही चूक होणार नाही.”

ब्रिडेन यांनी आपल्या खास ग्राहक बिलाचा फोटो पोस्ट करताना फेसबुकवर लिहिले की, ‘अशा चांगल्या आणि दयाळू व्यक्तीला भेटून मला खूप आनंद झाला. याबद्दल मी त्यांचा आभारी आहे. मी त्यांचे नाव सांगत नाही, कारण कदाचित ते स्वतःहूनही देऊ इच्छित नसावे.’ ब्रेंडनची ही पोस्ट सोशल मीडियावर व्हायरल होत आहे आणि लोक ती बरीच शेअर करत आहेत. लोक त्यांच्या खास ग्राहकाचे कौतुक करत आहेत.

You might also like