Inside Story : 7 दिवसांमध्ये दडलं होतं सुशांत सिंह राजपूतच्या मृत्यूचं ‘रहस्य’ !

नवी दिल्ली : वृत्तसंस्था – कोरोनामुळे मुंबईतही लॉकडाऊन होते. शूटिंगही थांबले होते. घराबाहेर येणे-जाणेही बंद. परंतु तरीही ७ जूनच्या रात्रीपर्यंत सर्व काही ठीक होते. सुशांत त्याची गर्लफ्रेंड रियाबरोबर एकाच घरात राहत होता. रिया तीन महिन्यांपासून त्याच्यासोबत राहत होती. पण ८ जून रोजी सकाळी अचानक बातमी येते की, सुशांत अचानक अस्वस्थ होतो. त्यानंतर रिया आणि सुशांतचे भांडण होते. आणि रिया तिचे सर्व सामान घेऊन सुशांतचे घर सोडते.

७ जून २०२०
त्या रात्रीपर्यंत सर्व काही ठीक होते. सुशांत त्याच्या घरात एकदम ठीक होता. मार्चपासून त्याची गर्लफ्रेंड रिया चक्रवर्ती याच घरात त्याच्यासोबत राहत होती. लॉकडाऊनमुळे शूटिंग बंद होते आणि बाहेर येणे-जाणेही बंद होते. सुशांतचे तिन्ही नोकर आणि त्याचे मित्र घराच्या तळ मजल्यावर राहत होते, तर सुशांत आणि रिया पहिल्या मजल्यावर राहत होते.

८ जून २०२०
सकाळी सुशांतला समजते की, त्याची सेक्रेटरी दिशा सालियानने मालाडमधील जनकल्याण नगरमधील एका सोसायटीच्या चौदाव्या मजल्यावरून उडी मारून आत्महत्या केली आहे. दिशाला सुशांत आणि रिया दोघेही चांगले ओळखत होते. उलट दिशा आणि सुशांतची भेट रियानेच केली होती. जेव्हा दिशाने आत्महत्या केली, तेव्हा तिचा मंगेतर तिच्याबरोबर होता. दिशाच्या आत्महत्येच्या बातमीने सुशांत अस्वस्थ होता.

दिशाच्या मृत्यूची बातमी समजताच घरातील वातावरण अचानक बदलते. रिया आणि सुशांतचे भांडण होते. मग दुपार झाल्यावर सुशांतबरोबर गेली तीन महिने राहणारी रिया आपल्या सामानासह घर सोडते. ती पुढे कधीच येणार नाही असे सांगून जाते. एवढेच नाही तर घर सोडताच सुशांतचा नंबरही ब्लॉक करते. सेक्रेटरीची आत्महत्या आणि रियाचे भांडण करून घरातून निघून जाणे सुशांतला अस्वस्थ करते. सुशांत मुंबईत राहणाऱ्या आपल्या बहीण मितूला फोन करतो. मितू सुशांतला समजावून सांगते आणि फोनवरून या धक्क्यातून सावरायला सांगण्याचा प्रयत्न करते.

९ जून २०२०
सकाळी सुशांतच्या सेक्रेटरीच्या आत्महत्येची बातमीही वर्तमानपत्रात प्रसिद्ध झाली होती. या बातमीत सुशांतचेही नाव होते. सुशांत अधिक अस्वस्थ होतो. मितुला फोन करतो. मितू भावाला अस्वस्थ पाहून त्याच्या घरी पोहोचते. या दरम्यान सुशांत मितूला रियाबरोबरच्या त्याच्या भांडणाबद्दल सर्व गोष्टी सांगतो. दिशाचा मृत्यू आणि रियाचे भांडण करून घरातून जाणे सुशांतला अत्यंत अस्वस्थ करते.

सुशांतला अस्वस्थ पाहून मितू अमेरिकेत राहणारी तिची बहीण श्वेताशी बोलते. दिशाची आत्महत्या आणि रियाच्या भांडणाबद्दलही ती सांगते. हे समजल्यानंतर श्वेता सुशांतला ९ जूनच्या रात्री व्हाट्सऍप करते. आणि सुशांतला अमेरिकेत येण्यास सांगते. सुशांत १० जूनला सकाळी श्वेताच्या या व्हॉट्स ऍपला उत्तर देतो. आणि लिहितो की मलाही खूप वाटते. या व्हॉट्स ऍप चॅटचा स्क्रीनशॉट स्वत: श्वेताने शेअर केला आहे.

१२ जून २०२०
सुशांतबरोबर तीन दिवस राहिल्यानंतर मितू त्याला समजावून सांगत आपल्या घरी परतते. खरंतर मितूची मुले लहान आहेत, म्हणून मुलांकडेही जाणे आवश्यक होते. आणि जाण्यापूर्वी मितूने सुशांतला चांगले समजावले होते.

१४ जून २०२०
पण मितू गेल्यानंतर दोन दिवसांनीच १४ जून रोजी दुपारी सुशांतचा मृतदेह त्याच्या बेडरूममध्ये पंख्यावर लटकलेला आढळतो. सुशांतच्या खोलीचा दरवाजा न उघडल्यामुळे सर्वात पहिला कॉल मितूलाच आला होता. मितू त्वरित घरी गेली आणि तिच्या समोरच चावीवाल्याने खोलीचा दरवाजा उघडला.

८ जून ते १४ जून मध्येच दडले होते रहस्य
म्हणजेच ८ जून ते १४ जून दरम्यान सुशांतच्या मृत्यूचे सत्य लपले होते. ज्याची सुरुवात सेक्रेटरीच्या आत्महत्येपासून झाली होती. तर सुशांतच्या मृत्यूचे कारण दिशाची आत्महत्या आहे का? का दिशाच्या आत्महत्येनंतर रियाचे घर सोडून जाणे? हे सत्य समजण्यासाठी पुन्हा एकदा ८ जूनची संपूर्ण कथा म्हणजे दिशाच्या आत्महत्येच्या दिवसाची कथा समजून घेणे आवश्यक आहे.

दिशा सुशांतची माजी सेक्रेटरी होती. ती सेलिब्रिटींचे काम बघत असलेल्या कंपनीत काम करत होती. रियाच्या माध्यमातून त्या कंपनीने दिशाला सुशांतचा मॅनेजर म्हणून पाठवले होते. पण नंतर काही कारणास्तव दिशाने ती कंपनी सोडली. कंपनी सोडताच दिशाचा सुशांतबरोबरचा करारही आपोआप संपला. आता दिशाचा सुशांतशी काही संबंध नव्हता.

८ जूनची कथा समजण्यासाठी सुशांतच्या वडिलांनी पाटण्यात दिलेली एफआयआर वाचणे आवश्यक आहे. वास्तविक एफआयआर भलेही सुशांतच्या वडिलांनी दिली होती, मात्र एफआयआरमध्ये मितूने ८ जूनची गोष्ट आपल्या वडिलांना सांगितली होती. ९ जून ते १२ जून दरम्यान जेव्हा मितू सुशांतसोबत त्याच्या घरी होती, तेव्हा सुशांतने मितूला बर्‍याच वेळा सांगितले होते की, त्याला भीती आहे कि रिया त्याला दिशाच्या आत्महत्येमध्ये फसवेल. यामुळेच सुशांत खूप अस्वस्थ होता.

आता प्रश्न हा आहे की रिया चक्रवर्ती सुशांतला दिशाच्या आत्महत्या प्रकरणात का फसवू पाहत होती? मात्र मुंबई पोलिसांच्या माहितीनुसार, दिशाच्या आत्महत्या प्रकरणात दिशाच्या कुटूंबाने कधीही कोणावर संशय व्यक्त केला नाही. पोलिसांच्या चौकशीत जे समोर आले ते म्हणजे दिशा आणि तिच्या कंपनीने काही सेलिब्रिटींकडून शूटसाठी अ‍ॅडव्हान्स घेतले होते. हे पैसे त्यांना परत करायचे होते. दिशा पैसे परत करू शकत नव्हती. आणि यामुळेच ती अस्वस्थ होती. दिशाच्या आत्महत्येमागे हेच कारण असल्याचे पोलिसांचे मत आहे.

मग सुशांतला दिशाच्या मृत्यूमध्ये अडकवण्याची भीती का होती? तर सूत्रांच्या माहितीनुसार, सुशांतमध्ये ही भीती रियाने घातली होती. वास्तविक लॉकडाऊनमध्ये तीन महिने एकत्र राहत असताना रिया आणि सुशांत यांच्यात अनेकदा भांडण झाले. पण पुन्हा भांडण मिटायचे. पण ८ जून रोजी दिशाच्या मृत्यूनंतर हे भांडण अधिक वाढले. यानंतर रिया तिचे सर्व सामान, सुशांतचीही काही कागदपत्रे व इतर सामान घेऊन निघून गेली. सुशांतच्या उपचारांचे कागदपत्रही त्यात असल्याचा आरोप सुशांतच्या कुटुंबीयांनी केला आहे. ज्याच्या मदतीने रिया धमकी देत होती की, ही कागदपत्रे माध्यमांना देऊन ती त्याला वेडा म्हणेल. मग त्याला चित्रपटातही कोणी काम देणार नाही.

सुशांत रियाला जवळपास सात वर्षे ओळखत होता. दोघांची पहिली भेट २०१३ मध्ये मुंबईच्या एका स्टुडिओमध्ये झाली होती. त्यावेळी सुशांत यश राज फिल्म्सच्या शुद्ध देसी रोमान्स या चित्रपटाचे शूटिंग करत होता. तर रिया चक्रवर्ती त्याच स्टुडिओमध्ये मेरे डॅड की मारुती या चित्रपटाचे शूटिंग करत होती. यानंतर काही फिल्मी पार्ट्यांमध्ये दोघांची भेट झाली. पण त्यावेळी सुशांत अंकिता लोखंडेसोबत लिव्ह-इनमध्ये होता.

अंकिताबरोबर ब्रेकअप झाल्यानंतर २०१८ च्या शेवटी सुशांत आणि रिया पहिल्यांदा जवळ येतात. यानंतर या दोघांचे एकत्र फोटो येऊ लागतात. म्हणजेच सुशांत आणि रियाचे नाते जवळपास दीड वर्ष जुने आहे. पण एक विचित्र गोष्ट घडली की रिया आयुष्यात आल्याच्या काही महिन्यांनंतर २०१९ पासून सुशांतच्या चित्रपटांचा आलेख खाली येण्यास सुरुवात झाली. मोठ्या बजेट आणि मोठ्या बॅनरचे चित्रपट हातातून जाऊ लागले आणि याच वेळी सुशांतला रिया आयुष्यात आल्यानंतर पहिल्यांदा मानसोपचार तज्ज्ञाकडे जावे लागले.

वास्तविक रिया एकटी सुशांतच्या आयुष्यात आली नव्हती. रियाची आई संध्या चक्रवर्ती, वडील इंद्रजित चक्रवर्ती, भाऊ सौविक चक्रवर्ती आणि रियाची खास मैत्रीण सॅमीयल मिरांडा हीसुद्धा सुशांतच्या आसपास होती. सुशांतने २०१९ मध्ये उघडलेल्या कंपनीतही रिया आणि तिचा भाऊ संचालक म्हणून सामील होते.

सुशांत आणि रिया यावर्षी लग्नही करणार होते. पण कोरोनामुळे लग्न पुढे ढकलले गेले. सुशांतच्या वडिलांनी स्वत: सुशांतसोबत शेवटच्या वेळी संभाषणात तो पुढच्या वर्षी फेब्रुवारी-मार्चमध्ये लग्न करणार असल्याचे सांगितले होते. आता प्रश्न असा आहे की, जेव्हा गोष्ट लग्नापर्यंत पोहोचली होती, तर मग रिया आणि सुशांत यांच्यात असे काय झाले, ज्यामुळे आज रियाला अटक होण्याची शक्यता आहे.

सुशांतच्या वडिलांच्या आणि बहिणीच्या आरोपानुसार, रिया फक्त आणि फक्त पैसा आणि फिल्मी करिअर करण्यासाठी सुशांतच्या आयुष्यात आली होती. ती आल्याबरोबर सुशांत वर्षभरात नैराश्याचा रुग्ण बनला. बँकेतील शिल्लक जवळजवळ संपली. पण रिया घाबरण्याचे आणखी एक कारण होते. मार्चपर्यंत सुशांत आणि रियाचे आयुष्य चांगले चालले होते.

पण मार्च ते ८ जूनपर्यंत जेव्हा दोघे एकत्र राहत होते, तेथूनच भांडण सुरू होते. यादरम्यान सुशांतने जुनी मैत्रीण अंकिता लोखंडेशीही पुन्हा गप्पा मारण्यास सुरवात केली होती. सुशांत त्याच्या समस्या अंकिताला सांगायचा. रियाला सुशांत आणि अंकिता यांच्यातील संभाषणाची माहितीही एकत्र राहत असताना समजली होती. सूत्रांच्या माहितीनुसार, अंकिताशी गप्पा थांबवण्यासाठी रियाने सुशांतचे अनेक मोबाईल नंबर देखील बदलले होते.

याच दरम्यान रिया सुशांतवर आणखी एक दबाव आणत होती. त्याच्या चित्रपटांमध्ये तिला मुख्य नायिकेची भूमिका मिळावी यासाठी दबाव होता. अन्यथा चित्रपट करण्यास नकार दे. रियानेच सुशांतवर एक कंपनी उघडण्यासाठी आणि त्यात पैसे गुंतवण्यासाठीही दबाव आणला होता. पण सुशांतला चित्रपटसृष्टीतून दूर सेंद्रिय शेती व्यवसायात जायचे होते. या गोष्टीचाही रियाला राग आला होता. सुशांत पुन्हा अंकिताकडे जाईल, अशीही भीती रियाला होती. या सर्व गोष्टींमुळे त्यांचे नाते खूप बिघडले होते. इतके बिघडले की, ८ जून रोजी रिया सुशांतला कायमची सोडून गेली आणि त्यानंतर १४ जून रोजी सुशांतने जगाचा निरोप घेतला.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
WhatsAPP
You might also like