UP चा रहिवासी, अल कायदाचा असीम उमर USA च्या कारवाईत ठार, PM मोदींना दिली होती धमकी
अफगाणिस्तान : वृत्तसंस्था – अल कायदा या दहशतवादी संघटनेचा भारत उपखंडातील प्रमुख मौलाना असीम उमर याला अफगाणिस्तानात ठार मारण्यात आले आहे. अफगानिस्तानच्या राष्ट्रीय सुरक्षा संचालकांनी ही माहिती ट्विट केली आहे. असीम हा अल कायदाचा प्रमुख आयमान अल जवाहिरीचा जवळचा होता. २०१५ मध्ये त्याने प्रसिद्ध केलेल्या व्हिडिओ मध्ये त्याने अमेरिका, संयुक्त राष्ट्र आणि पंतप्रधान नरेंद्र मोदी यांना इस्लामचे शत्रू म्हणत त्यांच्यावर हल्ला करण्याची धमकी दिली होती.
Chief of Al-Qaeda in the Indian Subcontinent, Asim Umar killed in Musa Qala district in Afghanistan’s southern Helmand province by US Forces in an air strike: TOLO News pic.twitter.com/yHvaNAiJnt
— ANI (@ANI) October 8, 2019
अफगाणिस्तानच्या राष्ट्रीय सुरक्षा संचालकांच्या म्हणण्यानुसार, गेल्या महिन्यात अफगाणिस्तानच्या मूसा कला जिल्ह्यात एका कारवाईत अमेरिकन सैन्याने असीमला ठार केले होते. तो उत्तर प्रदेशातील संभळ जिल्ह्यातील रहिवासी असल्याचे सांगितले जात आहे. त्याचे खरे नाव सनाउल हक होते. असिमला २०१४ मध्ये अल कायदाचा प्रमुख आयमान अल जवाहिरी यांनी एक व्हिडिओ प्रसारित करून भारत उपखंडातील प्रमुख म्हणून घोषित केले होते.
1/2: BREAKING: #NDS can now confirm the death of Asim Omar, leader of #Al_Qaeda in the #Indian Subcontinent (AQIS), in a joint US-Afghan raid on a Taliban compound in Musa Qala district of Helmand province on Sep. 23. pic.twitter.com/sFKi38M6MC
— NDS Afghanistan (@NDSAfghanistan) October 8, 2019
2/2: Omar, a #Pakistani citizen, was #killed along with six other AQIS members, most of them Pakistani. Among them was Raihan, Omar’s courier to Ayman #Al_Zawahiri. They had been embedded inside the Taliban compound in the #Taliban stronghold of Musa Qala. pic.twitter.com/7jQF7bK7aD
— NDS Afghanistan (@NDSAfghanistan) October 8, 2019
९० च्या दशकात सोडले घर
मौलाना असीम ओमर हा भारतीय असल्याचे भारतीय गुप्तचर यंत्रणांच्या तपासणीत उघडकीस आले. तो उत्तर प्रदेशच्या संभळ जिल्ह्यातील रहिवासी आहे. मूळ नाव सनाऊल असणारा हा युवक ९० च्या दशकात घरातून गायब झाला. नंतर तो पाकिस्तानात असल्याची बातमी मिळाली. २०१६ मध्ये रॉ सह दिल्ली पोलिसांच्या स्पेशल सेलने भारतात उपस्थित असलेल्या अल कायदाच्या अनेक दहशतवाद्यांना पकडले. यांच्या चौकशीत असीम उमर हा उत्तर प्रदेशमधील संभळचा सनाऊलच असल्याचे स्पष्ट झाले.
२०१६ मध्ये अमेरिकेच्या जागतिक दहशतवादी यादीमध्ये समावेश
अमेरिकेवर ९/११ च्या हल्ल्यानंतर त्याला अल कायदाच्या माहितीपटात ओसामा बिन लादेनबरोबरही पाहिले गेले होते. त्यामुळे अमेरिकेने त्याला २०१६ मध्ये ग्लोबल टेररिस्ट लिस्टमध्ये समाविष्ट केले होते. मौलाना ओमर याने अलिकडच्या वर्षांत भारतात जिहाद पसरवण्यासाठी अनेक व्हिडिओ प्रसिद्ध केले होते. या व्हिडिओंमध्ये तो भारतीय तपास यंत्रणांवर आणि पोलिसांवर हल्ला करायला उद्युक्त होताना दिसला.
ओमरच्या पाकिस्तानी पत्नीला अटक
मिळालेल्या माहितीनुसार, २४ सप्टेंबर रोजी अफगाणिस्तान आणि अमेरिकन सैन्याने मोसा कला यांच्या कंपाऊंडमध्ये मौलाना उमर उपस्थित असल्याची माहिती मिळाल्यानंतर संयुक्त ऑपरेशन केले. ओमरला पकडण्याच्या/ठार करण्याच्या उद्देशाने करण्यात आलेल्या या मोहिमेमध्ये ओमरने पळ काढल्याची बातमी होती पण यावेळी त्याच्या पाकिस्तानी पत्नीसह सहा पाकिस्तानी महिलांना अटक करण्यात आली होती.
Visit : Policenama.com
- केस गळतीच्या समस्येने त्रस्त आहात का? मग रोज ‘हे’ आवश्य खा
- घरच्याघरी तयार करा बाम, डोकेदुखीवर आहे रामबाण, अशी आहे पद्धत
- प्रथमच प्रणायाचा आंनद घेताय ? मग ‘या’ गोष्टी लक्षात ठेवा, अशी घ्या काळजी
- घसा दुखतोय ? मग करा ‘हे’ खास घरगुती उपाय, ताबडतोब मिळेल आराम
- फॅशन करा पण, आरोग्यावर परिणाम होणार याची काळजी घ्या, ‘हे’ आहेत परिणाम
- ‘हे’ घरगुती उपाय केल्यास खोकला होईल गायब ! आवश्य करून पहा
- ज्येष्ठांनी घ्यावी काळजी, अन्यथा ‘हा’ आजार ठरू शकतो घातक,अशी घ्या काळजी
- उपाशीपोटी खा ‘ही’ ४ फळे, राहाल निरोगी, हृदयासह पचनाचे आजार होतील दूर