Coronavirus : एम्सच्या संचालक रणदीप गुलेरिया यांनी सांगितलं – ‘देशातील काही भागात ‘कोरोना’ तिसर्‍या टप्प्यात पोहचला, मात्र…’
file photoनवी दिल्ली, वृत्तसंस्था : देशभरात कोरोना रूग्णांची संख्येने ४००० चा आकडा ओलांडला आहे. कोविड- १९ ची सर्वाधिक प्रकरणे आढळलेल्या महाराष्ट्र्र रूग्णांची संख्या ७०० पर्यंत पोहोचली आहे. दरम्यान, एम्सचे संचालक रणदीप गुलेरिया यांनी एका मुलाखतीत सांगितले की, कोरोना देशाच्या काही भागात तिसर्‍या टप्प्यात पोहोचला आहे. मात्र, कोरोनाच्या बाबतीत देश दुसर्‍या टप्प्यात असल्याचे त्यांनी स्पष्ट केले. जर आपण ह्याला रोखण्यास यशस्वी झालो तर ते दुसर्‍या टप्प्यावरच राहील.
डॉक्टर गुलेरिया म्हणाले की, आपण जगाकडे पाहिले तर आपली परिस्थिती ठीक आहे. आपल्याकडे जगातील प्रकरणांच्या तुलनेत खूपच कमी प्रकरणे आहेत. चाचण्या मोठ्या प्रमाणात होत आहेत, ज्यात प्रकरणे कमी बाहेर येत आहेत परंतु चिंता देखील आहे कारण बर्‍याच ठिकाणी हॉटस्पॉट तयार केले जात आहेत. कोरोना पॉझिटिव्ह रूग्णांची प्रकरणे झपाट्याने वाढली आहेत. ते म्हणाले की आपल्या इथे जी डब्लिंगचा काळ होता तो वाढला आहे. काही भागात कम्युनिटी स्प्रेड होत आहे. यासाठी आपल्याला लॉकडाऊनचे अनुसरण करावे लागेल.
कोणत्या क्षेत्रात हॉटस्पॉट्स :
डॉक्टर गुलेरिया यांनी सांगितले की, हे प्रकरण ज्या ठिकाणी सुरू झाले तेथून आपण ट्रेस करू शकणार नाही. तिथे कम्युनिटी स्प्रेड आहे. ते म्हणाले की, अशी प्रकरणे मुंबईत उघडकीस आली आहेत तर काही इतर राज्यातही समोर आली आहेत. काही भागात लोकल स्प्रेडची शक्यता आहे.
देशात कोरोनामुळे १०९ मृत्यू, तर संक्रमित घटना ४०६७ वर
भारतात कोरोनाव्हायरसच्या संसर्गामुळे १०९ लोकांचा मृत्यू झाला आहे तर देशात एकूण संक्रमणाची संख्या ४०६७ आहे. केंद्रीय आरोग्य व कुटुंब कल्याण मंत्रालयाच्या आकडेवारीनुसार, रविवारी सायंकाळपासून देशात कोरोना संसर्गाच्या सुमारे ४९० घटनांची नोंद आहे. त्यामुळे रविवारी सायंकाळपर्यंत देशात कोरोना व्हायरसच्या संसर्गाची एकूण ३,५७७ प्रकरणे नोंदविली गेली होती, तर ८३ लोकांचा मृत्यू झाला होता. सोमवारी सकाळी नऊ वाजता मंत्रालयाच्या संकेतस्थळावरील अद्ययावत आकडेवारीनुसार कोरोना संसर्गाच्या सक्रिय प्रकरणांची संख्या ३,६६६ आहे तर या आजाराने निरोगी झालेल्या लोकांची संख्या २९१ आहे. मिळालेल्या माहितीनुसार एकूण कोरोना प्रकरणातील ३० टक्के प्रकरणे तबलीघी जमातशी संबंधित आहेत.