Ajit Pawar | 16 आमदार अपात्र झाले तरी सरकारला धोका नाही, अजित पवारांनी सांगितलं सत्तेचं गणित
file photoनागपूर : पोलीसनामा ऑनलाइन – गेल्या अनेक दिवसांपासून अजित पवार (Ajit Pawar) महाविकास आघाडीवर (Mahavikas Aghadi) नाराज असल्याच्या चर्चा समोर येत आहेत. मात्र आता अजित पवार यांनी केलेल्या एका वक्तव्यामुळे पुन्हा एकदा चर्चेला उधाण आले आहे. जरी 16 आमदार अपात्र (MLA Disqualified) झाले तरी सरकार (State Government) स्थिर राहील असं अप्रत्यक्ष दावा त्यांनी केला आहे. एवढंच नाही तर 16 आमदार अपात्र झाले तर सत्ताधारी पक्षाकडे कसं बहुमत राहिल याचं गणितच अजित पवारांनी (Ajit Pawar) सांगितलं.
अजित पवार नेमकं काय म्हणाले?
अजित पवार (Ajit Pawar) म्हणाले, अपक्ष धरुन भाजपकडे (BJP) 115 आमदार आहेत. 106 त्यांचे आणि 9 अपक्ष. एकनाथ शिंदे (Eknath Shinde) यांच्यासोबत गेलेले 40 आमदार, 10 अपक्ष आमदार थोड्यावेळ बाजूला ठेवले तरी दोघं मिळून 155 आणि 10 अपक्ष असे 165 आमदार सध्या सरकारकडे आहेत. त्यामुळे जरी 16 आमदार अपात्र झाले तरी देखील सरकारकडे 149 आहेत. त्यामुळे जरी 16 आमदार अपात्र झाले तरी देखील सरकारकडे बहुमताचा आकडा कायम राहिल असे अजित पवार म्हणाले.
माझ्या ज्ञानाप्रमाणे युतीकडील आमदारांची संख्या 149 राहते. विधानसभेतील (Legislative Assembly) आमदारांची संख्या 288 आहे. या 288 मधील 16 आमदार गेल्यावर विधानसभेची सदस्य संख्या 272 होते. 272 सदस्यसंख्या झाली तर बहुमताचा आकडा देखील कमी होईल. तो किती राहतो तो पहा. त्यामुळे तुम्हाला गणित समजेल. ही वस्तुस्थिती आहे. आपण वस्तुस्थिती मान्य केली पाहिजे. कारण नसताना चित्र रंगवण्यात काहीच गरज नाही. कुणाबद्दल शंका निर्माण करु नका, असंही अजित पवार म्हणाले.
मी भाषण करणार नाही
आज नागपूर येथे सभा होणार आहे. यानंतर नाशिक आणि कोल्हापूर येथे वज्रमूठ सभा पार पडणार आहे.
माझ्यासंदर्भात उलटसुलट चर्चा सुरू आहे. मी भाषण करणार की नाही असे प्रश्न उपस्थित होतायत.
तर प्रत्येक पक्षाच्या दोन मान्यवरांनी भाषण करायचं असं ठरलं आहे. कोणी दोघांनी भाषण करायचं ते पक्षान ठरवायचं आहे.
मागच्या सभेत काँग्रेसकडून (Congress) बाळासाहेब थोरात (Balasaheb Thorat) आणि अशोक चव्हाण (Ashok Chavan),
शिवसेनेकडून (Shiv Sena) उद्धव ठाकरे (Uddhav Thackeray) आणि चंद्रकांत खैरे (Chandrakant Khaire)
आणि राष्ट्रवादीकडून (NCP) मी आणि धनंजय मुंडे (Dhananjay Munde) यांनी भाषण केलं होतं.
Web Title :- Ajit Pawar | even if the mlas are disqualified shinde fadnavis government is stable ajit pawars big statement
Join our WhatsApp Group, Telegram, facebook page and Twitter for every update
Chandrakant Patil | मुलींच्या शिक्षण, सक्षमीकरणावर शासनाचा भर – मंत्री चंद्रकांत पाटील
BARTI Pune | बार्टी संस्थेच्यावतीने विविध उपक्रमांद्वारे डॉ. बाबासाहेब आंबेडकर जयंती साजरी