२०१९ मध्ये अक्षय घेऊन येणार आहे ‘गुड न्यूज’

‘गुड न्यूज’ हा चित्रपट ६ सप्टेंबर रोजी रिलीज होणार आहे. या चित्रपटात अक्षयसोबत करिना कपूरची जोडी पाहायला मिळेल. तसेच  दिलजीत दोसन्ज आणि कियारा अडवाणी यांच्याही चित्रपटात महत्त्वाच्या भूमिका असणार आहे.

करण जोहरच्या धर्मा प्रोडक्शन या चित्रपटाची निर्मिती करणार असून चित्रपटाचे दिग्दर्शन राज मेहता करीत आहेत. या चित्रपटाचे शूटींग सध्या सुरू आहे. यापूर्वी सेटवरचे काही फोटोदेखील व्हायरल झाले होते. अक्षय आणि करिना यापूर्वी तलाश, बेवफा, एतराज, टशन यांसारख्या चित्रपटात एकत्र दिसले होते. आता पुन्हा ही जोडी एकत्र दिसल्यावर अक्षय, करिनाच्या चाहत्यांसाठी ही चांगलीच ‘गुड न्यूज’ असणार आहे.