COVID-19 : अमेरिकेतून आली दिलासादायक बातमी ! ‘या’ 2 प्रमुख कारणांमुळे न्यूयॉर्क प्रांतात ‘कोरोना’ महामारीला ‘ब्रेक’, जाणून घ्या

नवी दिल्ली : वृत्तसंस्था – अमेरिकेतील महामारीचा केंद्रबिंदू असलेल्या न्यूयॉर्क प्रांतात कोरोनाचा कहर थांबताना दिसत आहे. गेल्या २४ तासांत केवळ ४२ लोकांचा मृत्यू झाला, तर केवळ २,७२८ लोकांना संसर्गामुळे रुग्णालयात दाखल करावे लागले. आठ आठवड्यांपूर्वी प्रांतात दररोज सुमारे एक हजार लोकांचा मृत्यू होत होता.

गव्हर्नर म्हणाले- लॉकडाऊन आणि शारीरिक अंतरामुळे कोरोनाचा कहर थांबत आहे
गव्हर्नर अँड्र्यू कुओमो यांनी मृत्युसंख्या कमी झाल्याचे श्रेय लॉकडाऊन आणि लोकांकडून शारिरीक अंतराचे झालेले पालन याला दिले आहे. संपूर्ण न्यूयॉर्क प्रांतात ३,७६,२०८ संक्रमित रुग्ण आहेत. ८ जूनपासून न्यूयॉर्क शहरात शिथिल करण्याचा पहिला टप्पा सुरू होणार आहे. त्यानंतर चार लाख लोक पुन्हा कामावर जातील. मार्चच्या मध्यभागी झालेल्या लॉकडाऊनमुळे न्यूयॉर्क शहरातील कामकाज पूर्णपणे बंद आहे. एकट्या न्यूयॉर्क शहरात संक्रमित रूग्णांची संख्या २ लाख आहे, तर २० हजार लोक मरण पावले आहेत.

ब्राझीलने डब्ल्यूएचओ सोडण्याची दिली धमकी
ब्राझीलचे राष्ट्रपती जेयर बोल्सनारो यांनी शुक्रवारी जागतिक आरोग्य संघटना (डब्ल्यूएचओ) सोडण्याची धमकी दिली. संघटनेच्या त्या वक्तव्यानंतर धमकी देण्यात आली, ज्यात दक्षिण अमेरिकन देशांना लॉकडाऊनमध्ये सूट देण्याबद्दल इशारा दिला होता.

रशियामध्ये आणखी २०० लोकांचा मृत्यू
गेल्या २४ तासांत रशियामध्ये १९७ लोकांचा मृत्यू झाला असून एक दिवस आधी १४४ लोक मरण पावले होते. २९ मे रोजी सर्वात जास्त २३२ लोकांचा मृत्यू झाला होता. तसेच संसर्गाची ८,८५५ नवीन प्रकरणेही समोर आली आहेत.

मानसिक आरोग्य केंद्रात काम करत आहेत ब्रिटनचे प्रिन्स विल्यम
ब्रिटनचे प्रिन्स विल्यम कोरोना महामारीच्या काळात मानसिक आरोग्य केंद्रात काम करत आहेत. त्यांनी स्वत: ही माहिती दिली. ब्रिटीश सिंहासनाच्या क्रमवारीत क्रमांक दोनचे दावेदार त्या २ हजार स्वयंसेवकांपैकी आहेत, ज्यांनी प्रशिक्षण सत्र पूर्ण केले आहे आणि ते ‘साऊट ८५२५८’ फोन सेवेच्या माध्यमातून लोकांना सल्ला देत आहेत. प्रिन्स विल्यम आणि त्यांची पत्नी केट मिडलटन यांनी मागील वर्षी ‘साऊट ८५२५८’ फोन सेवा सुरू करण्यास मदत केली होती आणि रॉयल फाउंडेशनच्या माध्यमातून त्यात ३ मिलियन पौंड (सुमारे २९ कोटी) ची गुंतवणूक केली होती.

नेपाळमध्ये संक्रमणाची ३२३ नवीन प्रकरणे समोर आली आहेत. तेथे संक्रमितांची संख्या ३,२३५ झाली आहे.

इंडोनेशियात संक्रमणाची सुमारे एक हजार नवीन प्रकरणे समोर आली असून आतापर्यंत १,८०१ लोकांचा मृत्यू झाला आहे.

सिंगापूरचे उपपंतप्रधान म्हणाले की, कोरोनामुळे होणाऱ्या परिणामातून बाहेर पडण्यास अनेक वर्षे लागतील. येथे संक्रमणाची ३४४ नवीन प्रकरणे समोर आली आहेत. संक्रमित रूग्णांची संख्या ३७,५२७ झाली आहे. राष्ट्रपती हसन रूहानी यांनी लग्नाच्या पार्ट्यांमुळे कोरोना पसरण्याच्या धोक्याविरूद्ध इशारा दिली आहे.

दक्षिण कोरियामध्ये संक्रमणाची ५१ नवीन प्रकरणे समोर आली आहेत. ३४ लोक घरोघरी जाऊन सामान विकणार्‍या एका कंपनीतील आहेत.

गेल्या २४ तासांत फ्रान्समध्ये आणखी ४६ जणांचा मृत्यू झाला असून मृतांचा आकडा २९,१११ वर पोचला आहे. एक दिवस अगोदर ही संख्या ४४ होती.

देश                     मृत्यू                                                       रुग्ण                          एक्टिव केसेस

अमेरिका            १,११,४१२                                           १९,६७,३४३                             ११,१७,२०२

ब्रिटन                 ४०,४६५                                              २,८४,८६८                                 —

ब्राझील              ३५,०४७                                            ६,४६,००६                               ३,०८,८७५

इटली              ३३,७७४                                             २,३४,५३१                                   ३६,९७६

स्पेन               २७,१३४                                               २,८८,०५८                                            —

रशिया             ५,७२५                                                ४,५८,६८९                                    २,३१,५७६

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
W3Schools
You might also like