राष्ट्रीयताज्या बातम्या

दिलासादायक ! अमेरिकी कंपनीच्या औषधामुळं बरे होऊ लागलेत ‘कोरोना’चे रूग्ण, 2/3 वर दिसला चांगला ‘परिणाम’

Corona-Lab File Photo

नवी दिल्ली :  वृत्तसंस्था : गेल्या चार महिन्यांपासून कोरोना व्हायरसमुळे जगभरात खळबळ उडाली आहे. अनेक देशांचे शास्त्रज्ञ यावर औषधे तयार करण्यासाठी सतत संशोधन करत असतात. दरम्यान, अमेरिकन कंपनी गिलियड सायन्सने एक मोठी घोषणा केली आहे. कंपनीने सांगितले की, त्यांनी एक औषध तयार केले आहे, ज्याने कोरोना विषाणूच्या रुग्णांवर त्याचा परिणाम दर्शविण्यास सुरुवात केली आहे.

मोठे यश !
माहितीनुसार, गिलियड सायन्सच्या या औषधाची क्लिनिकल चाचणी घेण्यात आली. त्याअंतर्गत अशा 53 रुग्णांची निवड झाली जे कोरोना विषाणूमुळे गंभीर आजारी होते. अर्ध्या रूग्णांना हे औषध देताच व्हेंटिलेटरवरून काढून टाकले गेले, तर 47 टक्के रुग्णांना नंतर रुग्णालयातून सोडण्यात आले. या चाचणी अंतर्गत अमेरिका, युरोप, कॅनडा आणि जपानमधील रूग्णांसह विविध देशांतील रुग्णांना औषधाचा डोस देण्यात आला.

अशा परिस्थितीत, या औषधामुळे जगभरातील अपेक्षा जागृत झाल्या आहेत. दरम्यान, कंपनीने सांगितले की, या औषधाने कोरोनाचे रुग्ण बरे होतीलच असे निश्चित सांगता येणार नाही. विज्ञानाच्या भाषेत याचा नियंत्रित पद्धतीने वापर केला गेला नाही. म्हणजेच, या रूग्णांना ही औषधे दिली गेली नसती तर बरे झाले असते की नाही, हे निश्चित करता आले नाही. शास्त्रज्ञांनी म्हटले की, सध्या काहीही सांगितले जाऊ शकत नाही, परंतु आशा निर्माण झाली आहे.

अजून चाचण्या होतील
अमेरिकन कंपनीने म्हटले आहे की ते इतर अनेक ठिकाणी त्यांच्या औषधांची चाचणी घेत आहेत आणि मे मध्ये आणखी काही चांगले निकाल येऊ शकतात. दरम्यान, जगातील बर्‍याच देशांमध्ये मलेरियाच्या औषधांसह विविध औषधांवर संशोधन चालू आहे. अमेरिकेचे अध्यक्ष डोनाल्ड ट्रम्प यांनी म्हटले आहे की मलेरिया औषध जगातील गेम चेंजर असल्याचे सिद्ध होऊ शकते.