Coronavirus : ‘कोरोना’चं संक्रमण रोखण्यासाठी उपयोग येऊ शकते नवीन लस, उंदरावर परिक्षण ‘यशस्वी’

नवी दिल्ली : वृत्तसंस्था – संशोधकांनी एक अशी लस शोधल्याचा दावा केला आहे, जी कोरोना व्हायरसवर रामबाण उपाय ठरू शकते. संशोधकांचा दावा आहे की, उंदरावर याची चाचणी यशस्वी ठरली आहे. नवीन मर्स MERS (Middle East Respiratory Syndrome) लस कोरोनाच्या संक्रमणाला रोखण्यासाठी अतिशय प्रभावी ठरू शकते. संशोधकांनी एका उंदरावर या लसीची चाचणी केली, ज्याला मर्सचा एक भारी डोस देण्यात आला.

अमेरिकेच्या युनिव्हर्सिटी ऑफ जॉर्जिया आणि युनिव्हर्सिटी ऑफ लोवाचे संशोधन
अमेरिकेच्या युनिव्हर्सिटी ऑफ जॉर्जिया आणि युनिव्हर्सिटी ऑफ लोवाच्या संशोधकांनी दावा केला आहे, ही लस पेशींमध्ये प्रतिकारशक्ती निर्माण करण्यासाठी हानिकारक विषाणूचा वापर करते. या चाचणीनंतर कोरोना व्हायरसच्या आजारांविरूद्ध लस तयार करण्याची आशा जागी झाली आहे. एमबायो जर्नलमध्ये प्रसिद्ध केलेल्या अभ्यासानुसार ही लस एक पॅराइन्फ्लुएन्झा व्हायरस आहे (पीआय 5), ज्यामध्ये स्पाइक प्रोटीन असते, ज्याचा वापर मर्स पेशींना संसर्ग करण्यासाठी करतात. उंदरावर लस वापरली जात असताना मर्सचा जीवघेणा डोस देऊनही त्याला काहीही झाले नाही

पॅराइन्फ्लुएन्झा व्हायरसला कोरोना व्हायरस विरुद्ध उपयुक्त लस
युनिव्हर्सिटी ऑफ लोवाच्या संशोधक प्रोफेसर पॉल मॅकरे यांनी म्हटले, आमचा नवीन अभ्यास असे दर्शवते कि पॅराइन्फ्लुएन्झा व्हायरस कोरोना व्हायरसच्या विरुद्ध उपयुक्त लस ठरू शकते. संशोधक आता प्राण्यांवर पॅराइन्फ्लुएन्झा व्हायरस आधारित लस पेक्षा जास्त वापर करून अभ्यास करायची योजना बनवत आहोत, कारण मर्स आणि कोविड-१९ दोन्ही कोरोना व्हायरसमुळे पसरले आहेत. मर्स जास्त धोकादायक आहे, पण २०१२ पेक्षा हा व्हायरस पसरल्यानंतर आतापर्यंत केवळ २,४९४ प्रकरणे समोर आली आहेत. तर वुहानमध्ये मागच्या वर्षी डिसेंबर मध्ये पसरलेल्या कोविड-१९ व्हायरसमुळे जगभरात आतापर्यंत ७० हजार लोकं मारले गेले आहेत.