Lockdown 3.0 : फेस ‘मास्क’ परिधान न केल्यानं सुरक्षा रक्षकानं मुलीला आत जाण्यापासून रोखलं कुटुंबीयांनी केली ‘हत्या’
नवी दिल्ली, वृत्तसंस्था : अमेरिकेच्या मिशिगन राज्यात सुरक्षा रक्षकाच्या हत्येचा आरोप एका महिलेवर, तिच्या पतीवर आणि मुलावर करण्यात आला आहे. असा आरोप आहे की जेव्हा मास्क न घातल्यामुळे गार्डने महिलेच्या मुलीला स्टोअरमध्ये जाऊ दिले नाही तेव्हा तिघांनी मिळून त्याची हत्या केली. मिशिगनमध्ये कोरोना संसर्गाची सुमारे 44,000 प्रकरणे झाली आहेत आणि चार हजाराहून अधिक लोक मरण पावले आहेत. प्रांतीय सरकारचे घरामध्येच राहण्याचे आदेश रद्द करण्याची मागणी करण्यासाठी गेल्या आठवड्यात अनेक आंदोलक रस्त्यावर उतरले. यातील बरेच आंदोलक शस्त्रास्त्रांनी सज्ज होते.
ही घटना मिशिगनच्या फ्लिंटमधील एका दुकानातील आहे. 1 मे रोजी कॅल्व्हिन मुनरलिन नामक गार्ड स्टोअरच्या गेटवर ड्युटीवर होता. दरम्यान, 45 वर्षीय शार्मेल टीग आपल्या मुलीसह आली आणि स्टोअरच्या आत जाऊ लागली.
घटनास्थळी येऊन गार्डच्या डोक्यावर झाडली गोळी
नियमांनुसार मुलीने मास्क परिधान केले नसल्याने गार्डने तिला आत जाण्यास रोखले. शार्मेलने पती लॅरी आणि मुलगा रॅमोनिया बिशप यांना याची माहिती दिली. आरोप आहे की दोघेही घटनास्थळी आले आणि गार्डच्या डोक्यात गोळी झाडून त्याला जागीच ठार केले. महिलेस घटनास्थळावरून अटक करण्यात आली आहे, परंतु तिचा नवरा आणि मुलगा सध्या फरार आहे.
अमेरिकेत कोरोना विषाणूचा प्रसार झपाट्याने होत आहे
कोरोना विषाणूने जगातील सर्वात शक्तिशाली देश मानल्या जाणार्‍या अमेरिकेत थैमान घातले आहे. अमेरिकेमध्ये गेल्या 24 तासात कोरोना विषाणूमुळे 1,015 लोक मरण पावले आहेत. आतापर्यंत अमेरिकेत 68,689 लोकांचा मृत्यू झाला आहे. दिलासा देणारी बाब म्हणजे 178,594 लोक बरे झाले आहेत व घरी परत गेले आहेत.