ट्रम्प यांच्या ट्विटला PM मोदींनी दिलं उत्तर, म्हणाले – ‘अशावेळीच वाढते मैत्रीमधील जवळीकता’

नवी दिल्ली :  वृत्तसंस्था  –   अमेरिकेचे राष्ट्राध्यक्ष डोनाल्ड ट्रम्प यांनी मलेरियाविरोधी औषध हायड्रॉक्सीक्लोरोक्विन अमेरिकेला निर्यात करण्यासाठी मंजुरी दिल्याबद्दल पंतप्रधान नरेंद्र मोदी यांना एक शानदार व्यक्ती म्हणून सांगत म्हटले होते की, अशा कठीण काळात भारताची मदत ‘विसरली’ जाणार नाही. ”कोरोना विषाणूच्या उपचारात हे औषध प्रभावी असल्याचे मानले जाते. ट्रम्प यांनी पंतप्रधान मोदी यांना एक महान नेता म्हणून ट्वीट केले. यानंतर पीएम मोदींनीही त्यांच्या या ट्विटला प्रत्युत्तर दिले.

हायड्रॉक्सीक्लोरोक्विन औषधाची अमेरिकेला निर्यात करण्यास परवानगी दिल्याबद्दल अमेरिकेच्या राष्ट्राध्यक्षांच्या प्रतिसादाला उत्तर देताना पंतप्रधान नरेंद्र मोदी म्हणाले- “तुमच्याशी पूर्णनपणे सहमत अध्यक्ष डोनाल्ड ट्रम्प. अशी वेळ मित्रांना जवळ आणते. भारत-अमेरिका भागीदारी पूर्वीपेक्षा अधिक मजबूत आहे. कोविड -१९ च्या विरोधात मानवतेला मदत करण्यासाठी भारत सर्वतोपरी प्रयत्न करेल.

ट्रम्प यांनी कोरोना विषाणूबद्दल व्हाईट हाऊसच्या आपल्या नियमित पत्रकार परिषदेत सांगितले की, “आम्ही पंतप्रधानांच्या आवाहनाला मान्यता दिल्याबद्दल मला पंतप्रधानांचे आभार मानायचे आहे आणि ते एक महान व्यक्ती आहेत. आम्ही हे लक्षात ठेवू. ”

सशक्त नेतृत्वासाठी मोदींची प्रशंसा

यापूर्वी ट्रम्प यांनी ट्वीट करून मोदींच्या सशक्त नेतृत्वाबद्दल त्यांचे कौतुक केले आणि म्हणाले की, संकटाच्या वेळी भारताची मदत विसरली जाणार नाही. असाधारण काळात मित्रांमधील जवळचे सहकार्य आवश्यक असते. एचसीक्यूच्या निर्णयाबद्दल भारत आणि भारतीयांचे आभार. हे विसरले जाऊ शकत नाही.

ट्रम्प यांनी ट्विट केले, “पंतप्रधान नरेंद्र मोदी यांनी या लढाईत केवळ भारतच नव्हे तर मानवतेच्या मदतीसाठी तुमच्या दृढ नेतृत्वासाठी धन्यवाद”. हे ट्विट मोठ्या प्रमाणात व्हायरल झाले असून 60,000 वेळा रीट्वीट केले गेले आहे. तर दोन लाखांहून अधिक लोकांनी त्यांना पसंत केले . बुधवारी रात्रीपर्यंत या संसर्गजन्य आजारामुळे 14,600 पेक्षा जास्त अमेरिकन लोकांचा मृत्यू झाला. तर 4.3 लाखांहून अधिक लोक संक्रमित झाले आहेत.