US Presidential Election : बहिणीचा डोनाल्ड ट्रम्प यांच्यावर ‘निशाणा’, म्हणाल्या – ‘माझ्या भावाचे कोणतेही मापदंड नाहीत’

नवी दिल्ली : वृत्तसंस्था – अमेरिकेचे अध्यक्ष डोनाल्ड ट्रम्प यांची मोठी बहीण आणि माजी फेडरल न्यायाधीश मॅरीन ट्रम्प बॅरी यांनी आपल्या भावावर कडक टीका केली आहे. एका रेकॉर्डिंगमध्ये त्यांनी असेही म्हटले की, राष्ट्रपतींचे कोणतेही तत्व नाही. मॅरीन ट्रम्प बॅरीचे बोलणे तिच्या भाचीने तिच्या नकळत रेकॉर्ड केले होते. ही रेकॉर्डिंग ट्रम्प यांचे दिवंगत भाऊ रॉबर्ट ट्रम्प यांच्या श्रद्धांजली सभेच्या एका दिवसानंतर समोर आली. दरम्यान, नुकताच मॅरीचे पुस्तक ‘टू मच अँड नेव्हर एन्फ: हाऊ माय फॅमिली क्रिएटेड द वर्ल्ड मोस्ट डेंजरिज मॅन’ नावाचे पुस्तक बाजारात आले. या पुस्तकात ट्रम्प कुटूंबाशी संबंधित काही आंतरिक गोष्टींचा उल्लेख आहे. मॅरी ट्रम्प यांनी शनिवारी सांगितले की तिने 2018 आणि 2019 मध्ये हे रेकॉर्डिंग केले आहे.

एका रेकॉर्डिंगमध्ये, 83 वर्षीय मॅरीन ट्रम्प म्हणाल्या की, तिने 2018 मध्ये आपल्या भावाची फॉक्स न्यूजला दिलेली मुलाखत ऐकली, ज्यात ट्रम्प यांनी सुचवले होते की, त्यांना (बॅरी) पालकांपासून विभक्त झालेल्या परप्रांतीय मुलांच्या प्रकरणांची सुनावणी करण्यासाठी सीमेजवळ तैनात करतील. बॅरी म्हणाले, “जर आपण धार्मिक व्यक्ती असाल आणि लोकांना मदत करायची असेल तर आपण ते करू शकत नाही.”

तयारी न करता काहीही बोलणे खोटे
एका रेकॉर्डिंगमध्ये तिने म्हंटले, ‘ त्याची विचित्र ट्वीट्स आणि लबाडी, अरे देवा !’ तिने म्हंटले, ‘मी कोणत्याही दडपणाशिवाय बोलतेय , पण त्याने बनवलेल्या कथा, कोणतीही तयारी न करता काहीही बोलणे, खोटे आहे.’ रेकॉर्डिंगमध्ये तिने असेही म्हणताना ऐकले जाऊ शकते की, तिचा भाऊ कायमचे वास्तव्य करण्यासाठी परदेशातून येणाऱ्या प्रकारणांबद्दल कधीही तिचे मत जाणून घेण्याची किंवा वाचण्याची तसदी घेत नाही. जेव्हा मॅरी ट्रम्प यांनी तिच्या काकूंना विचारले त्यांनी काय वाचले हे तेव्हा बॅरीने उत्तर दिले की नाही, तो वाचत नाही.