गॅस गळतीने विशाखापट्टणम हादरले, 2 जणांचा मृत्यू

पोलीसनामा ऑनलाईन टीम – आंध्र प्रदेशातील विशाखापट्टणम इथे पुन्हा एकदा गॅस गळतीची धक्कादायक घटना घडली आहे. औषधे तयार करणार्‍या कंपनीत गॅस गळती झाल्यामुळे मोठी आग लागली होती. त्यामुळे आतापर्यंत 2 लोक ठार झाल्याची माहिती आहे. 4 जणांवर सध्या रुग्णालयात उपचार सुरू आहेत. सायनर लाइफ सायन्सेस फार्मा कंपनीत ही दुर्घटना घडली.


परवाडा येथील जवाहरलाल नेहरू फार्मा सिटीमध्ये सोमवारी रात्री उशिरा बेंझ्मिडोल वेपर नावाचा विषारी गॅस बाहेर निघत असल्याची माहिती मिळाली. या कंपनीत काम करणारे 6 लोकांना त्रास झाला. त्यापैकी 2 जणांचा जागीच मृत्यू झाला आहे. काही दिवसांपूर्वी एका केमिकल फॅक्ट्रीत अशाच प्रकारे गॅस गळती झाली होती. गॅस गळती झाली तेव्हा कंपनीमध्ये 30 कामगार काम करत होते. माहिती मिळताच पोलीस, जिल्हाधिकारी आणि अग्निशमन दल व आपत्तीव्यवस्थापनाचे अधिकारी घटनास्थळी दाखल झाडे आहेत. अधिकार्‍यांनी दिलेल्या माहितीनुसार परवाडा फार्मा सिटीच्या लाइफ सायन्स लॅबमध्ये गॅसची गळती झाली. विषारी वायूमुळे 4 लोकांचे प्रकृती बिघडली. त्यातील एकाची प्रकृती चिंताजनक आहे. या सर्वांना गजूवाका खासगी रुग्णालयात दाखल करण्यात आले आहे.