धक्कादायक ! केंद्रीय आरोग्य सचिव लव अग्रवाल यांच्या भावाचा गोळी लागलेला मृतदेह आढळल्याने प्रचंड खळबळ

पोलीसनामा ऑनलाइन टीम  – केंद्रीय आरोग्य सचिव लव अग्रवाल यांच्या भावाचा गोळी लागलेला मृतदेह येथे आढळला आहे. त्यामुळे सर्वत्र एकच खळबळ उडालेली आहे. अंकुर अग्रवाल (Ankur Agrawal) असं या भावाचं नाव आहे. उत्तर प्रदेशमधील सहारनपूरमध्ये हा मृतदेह आढळला. त्यामुळे लव अग्रवाल यांना मोठा कौटुंबिक धक्का बसला आहे. (Ankur Agarwal dead body with bullet found in Saharanpur).

दरम्यान, मागील काही काळापासून कोरोना विषाणूच्या संसर्गाबद्दल देशाला माहिती देण्यासाठी अनेकदा केंद्रीय आरोग्य मंत्रालयाचे संयुक्त सचिव लव अग्रवाल वृत्त वाहिन्यांना पाहायला मिळाले आहेत. त्यांच्या घरातील व्यक्तीचा असा संशयास्पद मृतदेह आढळून आल्याने खळबळ माजली आहे. अंकुर अग्रवाल यांचा मृतदेह लखनी परिसरात सापडला. मृतदेहाजवळ परवाना असलेला पिस्तुल मिळाला आहे. स्थानिक पोलिसांनी या प्रकरणाचा तपास वेगाने सुरु केला आहे . ही घटना सरसावा पोलीस स्टेशन क्षेत्रातील पिलखनी इंडस्ट्रियल भागातील आहे.

अंकुर अग्रवाल यांच्या मृत्यूचे कारण अद्याप समजू शकलेले नाही. मात्र, अनेक निष्कर्ष लावले जात आहेत. काही जण ही आत्महत्या असल्याचा अंदाज लावत आहेत, तर काही लोक ही हत्या असल्याचंही बोलत आहेत. मात्र, पोलीस तपासतच या घटनेचा उलगडा होईल.