केडगाव (सांगली) : पोलीसनामा ऑनलाईन
शेत जमीनीवर असलेल्या कराराची नोंद कमी करण्यासाठी ५ हजार रुपये लाच मागून ४ हजार ५०० रुपयांची लाच स्विकारताना केडगावचा तलाठ्याला अॅन्टी करप्शनच्या पथकाने रंगेहाथ पकडले. ही कारवाई आज (सोमवार) रामापूर तलाठी कार्यालयात करण्यात आली.
सुरशे सुखदेव रुपनर (वय-५१) असे लाच घेताना अटक करण्यात आलेल्या तलाठ्याचे नाव आहे. याप्रकरणी एका व्यक्तीने अॅन्टी करप्शनच्या कार्यालयात तक्रार दिली होती.
[amazon_link asins=’B078124279′ template=’ProductCarousel’ store=’policenama-100′ marketplace=’IN’ link_id=’d938d8f6-c55a-11e8-b1a4-a5167eab4d97′]
तक्रारदार यांनी केडगाव तालुक्यातील रामापूर येथे शेत जमीन आहे. या शेत जमीनीवर असलेल्या ई कराराची नोंद कमी करण्यासाठी तक्रारदाराने अर्ज केला होता. ई करार कमी करण्यासाठी तलाठी सुरेश रुपनर याने पाच हजार रुपयांची लाच मागितली. याप्रकरणी तक्रारदाराने रविवारी (दि. ३० सप्टेंबर) अॅन्टी करप्शनच्या कार्य़ालयात तक्रार नोंदविली होती.
[amazon_link asins=’B017WDVV3M,B01M3QQOAX’ template=’ProductCarousel’ store=’policenama-100′ marketplace=’IN’ link_id=’4265b3a4-c55a-11e8-9128-4f92a80437a5′]
ही कारवाई लाचलुचपत प्रतिबंधक विभाग पुणे उपायुक्त, पोलीस अधीक्षक संदीप दिवाण, अपर पोलीस अधीक्षक राजकुमार गायकवाड यांच्या मार्गदर्शनाखाली पोलीस उप अधीक्षक राजेंद्र तेंडुलकर, पोलीस कर्मचारी अविनाश सागर, संजय कलकुटगी, राधीका माने, राजेंद्र काळे, संजय संकपाळ, भास्कर भोरे, बाळासाहेब पवार यांच्या पथकाने केली.
