‘कोरोना’सारख्या आणखी एका महामारीच्या उंबरठ्यावर आपण; नाही सुधरलो तर बरबाद होईल एका पिढीची मेहनत : WHO

जिनेव्हा : वृत्तसंस्था – जागतिक आरोग्य संघटनेने (डब्ल्यूएचओ) म्हटले आहे की, कोरोना व्हायरससारखी भयंकर नाही, पण तिच्यासारख्याच एका अवघड समस्येच्या उंबरड्यावर आपण उभे आहोत. डब्ल्यूएचओने इशारा दिला आहे की, जर आपण वेळीच खबरदारी घेतली नाही तर मेडिकल जगतात केलेली एका पिढीची मेहनत बरबाद होईल. डब्ल्यूएचओने वाढत्या अँटीमायक्रोबियल रेजिस्टेंस (Antimicrobial Resistance) वर चिंता व्यक्त केली आहे. अँटीमायक्रोबियल रेजिस्टेंस ती स्थिती आहे जेव्हा एखाद्या संसर्गामुळे किंवा जखमेसाठी तयार केलेले औषध आपला परिणाम कमी करते. याचा सरळ अर्थ असा आहे की, संसर्ग किंवा जखमेला जबाबदार जंतूंनी त्या औषधाप्रती आपली इम्युनिटी मजबूत करणे.

डब्ल्यूएचओने म्हटले की, अँटीमायक्रोबियल रेजिस्टेंस वाढणे कोविड 19 महामारीप्रकरणे धोकादायक आहे. यामुळे एका पिढीचा वैद्यकीय विकास संपुष्टात येऊ शकतो.

डब्लूएचओचे महासंचालक ट्रेडोस अधानोम घेब्रेसस यांनी यास ’आपल्या काळातील सर्वांत मोठ्या आरोग्य धोक्यांपैकी एक’ म्हटले आहे. अँटीमायक्रोबियल रेजिस्टेंस तेव्हा होते जेव्हा आजार पसरवणारे जीवाणू सध्या औषधांसाठी इम्युन होतात, ज्यामध्ये अँटीबायोटिक, अँटीवायरल किंवा अँटिफंगल उपचारांचा समावेश आहे, जो किरकोळ जखम आणि सामान्य संसर्गालासुद्धा घातक रूपात बदलू शकतो.

रोगाशी लढण्याची क्षमता धोक्यात
टेड्रोस यांनी पत्रकार परिषदेत म्हटले की, मनुष्य आणि शेतीच्या कामाशी संबंधित प्राण्यांमध्येसुद्धा अशा औषधांच्या अति वापरामुळे अलीकडच्याच काळात रेजिस्टेंस वाढले आहे. ’अँटीमाइक्रोबियल रेजिस्टेंस एक महामारी नसेल, पण तेवढेच भयंकर आहे. हे मेडिकल प्रोग्रेसची एक पिढी नष्ट करेल. अनेक संसर्गांचा उपचार होऊ शकणार नाही, जो आज सहज शक्य आहे.