पोलीसनामा ऑनलाइन टीम – क्रिकेटर नितीश राणा यानं टीमसाठी अनेक मॅच जिंकून देणाऱ्या खेळी खेळल्या आहेत. कधी कधी तो पार्ट टाईम बॉलिंग करताना दिसत असतो. केकेआर टीमचा बॅट्समन नितीश राणा यानं पत्नीसह दिलेल्या एका मुलाखतीत अनेक चकित करणारे खुलासे केले आहेत.
नितीशनं जे काही खुलासे केले आहेत ते त्याची पत्नी साची मारवाह हिलादेखील माहिती नव्हते. इंटिरियर डिझायनर साचीनं लग्नाबद्दल भाष्य केलं आहे. साची म्हणते, “आम्ही एवढं भांडतो की, लोक आता आम्हाला टॉम अँड जेरी म्हणत आहेत. आम्ही भेटलो तेव्हा आम्ही खूप वेगळो होतो. आमचं बॅकग्राऊंड लाईफस्टाईलही खूप वेगळं होतं. मला पार्टी करायला आवडायचं आणि पहा घरात बसणारा लाजरा होता. आता खूप बदललं आहे. मला घरी रहायला आवडतं आणि हा पार्टी पर्नस झाला आहे.”
नितीश राणानं बोलताना यावेळी रोचक किस्सा सांगितला. नितीश म्हणतो, “जवळपास दीड दोन वर्षांपूर्वी मी माझ्या दोस्तांसोबत गोव्यात होतो. मला खरंच एखाद्या कसीनोत जायचं होतं. पिण्यासाठी किंवा जुगारीसाठी नाही तर अनलिमिटेड बुफेचा आनंद घेण्यासाठी. साचीची इच्छा नव्हती की, मी जावं. तिला जुगार आवडत नाही. मी तिला कॉल करून सांगितलं की, मी खूप थकलो आणि आता झोपायला जात आहे. मग मी सकाळी साडे पाच वाजेपर्यंत कसीनोत मस्ती केली.”