जम्मू : पोलीसनामा ऑनलाईन – जम्मू-काश्मीरमध्ये दहशतवाद्यांच्या कुरापती सुरूच आहेत. काही दिवसांपूर्वी त्राल सेक्टरमध्ये अतिरेकी आणि जवानांमध्ये चकमक झाली होती. यात तीन दहशतवाद्यांचा जवानांकडून खात्मा करण्यात आला होता. त्यानंतर आता जम्मू-काश्मीर मधील पुलवामा जिल्ह्यात दहशतवाद्यांनी एका २५ वर्षीय जवानाची त्याच्या घराबाहेरच हत्या केल्याचे समोर आले आहे.
अशिक अहमद नायक उर्फ आसिक हुसेन असे त्या जवानाचे नाव असून तो पुलवामातील पिंगलीना गावात राहायचा. याबाबत अद्याप अधिकृत दुजोरा मिळालेला नसला तरी स्थानिक वृत्तवाहिन्यांनी हत्या करण्यात आलेला तरुण हा लष्कराचा जवान असल्याचे म्हटले आहे. या हत्येनंतर लष्कराने व स्थानिक पोलिसांनी या भागात शोध मोहीम सुरू केली आहे.
Jammu and Kashmir: A 25-year old man has been shot dead by terrorists outside his house at Pingleena village in south Kashmir’s Pulwama. A joint team of Army and SOG has launched a cordon and search operation in the area to nab the assailants. pic.twitter.com/b9JxFzgDHz
— ANI (@ANI) March 13, 2019
अशिक अहमद नायक हा काही दिवसांपूर्वीच लष्करात भरती झाला होता. बुधवारी दुपारी एकच्या सुमारास एका बुरखाधारी दहशतवाद्याने अशिकवर त्याच्या घराबाहेर गोळ्या झाडल्या. त्यानंतर तो दहशतवादी तेथून फरार झाला. त्यानंतर अशिकला तत्काळ रुग्णालयात दाखल करण्यात आले. मात्र तेथे त्याचा उपचारादरम्यान मृत्यू झाला.
सीमेवर घुसखोरीचा प्रयत्न, भारतीय वायुसेनेकडून अलर्ट जारी