पुणे : पोलीसनामा ऑनलाईन
कात्रज घटामध्ये वाहनांना अडवून दरोडा टाकणारे आणि एक महिन्यापूर्वी हिंजवडी पोलीस ठाण्याच्य हद्दीत वृद्ध इसमाचा डोक्यात दगड घालून खून करणाऱ्या टोळीला अटक करण्यात आली आहे. दरोडा प्रतिबंधक विभागाच्या पथकाने मंगळवारी (दि.३) मांगरेवाडी-कात्रज परिसरात सापळा रचून या टोळीला अटक केली.
[amazon_link asins=’B0728GFX26′ template=’ProductCarousel’ store=’policenama-100′ marketplace=’IN’ link_id=’f75389e0-7f92-11e8-b2f0-737ff5a8d2c6′]
विकास अनिल जाधव (वय-२२ रा. गुजरवस्ती रोड, कात्रज), महेश विनायक चव्हाण (वय-१९ रा. गुजरवस्ती रोड, कात्रज), दयानंद भिमराव सेताफराम (वय-२२ रा. दत्त मंदिराजवळ, कात्रज ), अदित्य उर्फ दिग्या दिलीप खुडे (वय-१९ रा. जाधव वस्ती, कात्रज), धनराज गौतम कांबळे (वय-२३ रा. गुजरवाडी रोड, कात्रज), योगेश राजु लव्हळे (वय-१९ रा. गुजरवाडी, कात्रज) अशी अटक करण्यात आलेल्या आरोपींची नावे आहेत.
अटक करण्यात आलेल्या टोळीने दीड महिन्यापूर्वी रात्रीच्यावेळी कात्रज घाटात अल्टो कार अडवून कारमधील जोडप्यास शस्त्राचा धाक दाखवून तसेच मारहाण करुन दरोडा टाकला होता. या गुन्ह्यात महिलेच्या गळ्यातील सोन्याचे गंठण, नेकलेस व पतीच्या खिशातील दहा हजार रुपये, कागदपत्रे असा एकूण १ लाख ९७ हजार ५०० रुपयांचा मुद्देमाल चोरुन नेला होता. या गुन्ह्यातील आरोपी मांगडेवाडी-कात्रज परिसरात असल्याची माहिती पथकातील सहायक पोलीस फौजदार संजय दळवी यांना मिळाली. मिळालेल्या माहितीच्या आधारे पोलिसांनी या ठिकाणी सापळा रचून आरोपींना अटक केली.
[amazon_link asins=’B07944CZ7M’ template=’ProductCarousel’ store=’policenama-100′ marketplace=’IN’ link_id=’fcad0495-7f92-11e8-abd1-cfead0ea47e8′]
अटक करण्यात आलेल्या आरोपींकडे चौकशी केली असता त्यांनी कात्रज घटामध्ये दरोडा टाकल्याचा गुन्हा कबुल केला. तसेच या टोळीने जुलै २०१८ मध्ये हिंजवडी पोलीस ठाण्याच्या हद्दीत मुंबई- बंगलोर महामार्गावर एका वृद्ध इसमाचा खून केला होता. वृद्ध इसमावर धारदार शस्त्राने वार करुन त्याची ओळख पटू नये म्हणून डोक्यात दगड घातला होता. अटक करण्यात आलेले आरोपी हे सराईत गुन्हेगार असून त्यांच्यावर पुणे शहरात जबरी चोरीचे अनेक गुन्हे दाखल आहेत.
ही कारवाई अपर पोलीस आयुक्त प्रदिप देशपांडे, पोलीस उप आयुक्त पंकज डहाणे, सहायक पोलीस आयुक्त गुन्हे -१ समीर शेख यांचे मार्गदर्शनाखाली गुन्हे शाखेचे दरोडा प्रतिबंधक पथकाचे पोलीस निरीक्षक राजेंद्र कदम, सहायक पोलीस निरीक्षक लक्ष्मण ढेंगळे, सहायक पोलीस निरीक्षक विद्युलता चव्हाण, सहायक फौजदार संजय दळवी, सहायक फौजदार यशवंत आंब्रे, विनायक पवार, शंकर पाटील, अजय थोरात, निलेश पाटील, महेश कदम, शैलेश सुर्वे, सचिन गायकवाड, राहुल घाडगे, दत्तात्रय काटम, रामदास गोणते, चेतन गोरे, प्रमोद गायकवाड, बशीर सय्यद, विल्सन डिसोजा, वैभव स्वामी, संदीप ठाकरे, धनाजी पाटील, प्रविण जाधव, परवेज जमादार यांच्या पथकाने केली.
