जालना : पोलीसनामा ऑनलाइन – जिल्हयातील गोंदी पोलिस ठाण्यात कार्यरत असलेल्या सहाय्यक पोलिस निरीक्षकाने स्वतःवर गोळी झाडून आत्महत्या केली आहे. त्यामुळे संपुर्ण जालना शहरासह पोलिस दलात प्रचंड खळबळ उडाली आहे. त्यांच्या आत्महत्येचे कारण अद्याप समजु शकलेले नाही.
सहाय्यक पोलिस निरीक्षक अनिल परजणे असे त्यांचे नाव आहे. ते बीड जिल्ळयातील शिरूर तालुक्यातील खालापुरी येथील रहिवाशी होते. त्यांच्या कशामुळे आत्महत्येचे पाऊल उचलले याबाबत सध्या चर्चा झालु आहे. सहाय्यक निरीक्षकाने स्वतःवर गोळी झाडून आत्महत्या केल्याचे समजताच वरिष्ठ पोलिस अधिकार्यांनी घटनास्थळी धाव घेतली आहे. अत्यंत मनमिळावु स्वभावाचे परजणे असे काही करतील असे कोणाला देखील वाटत नव्हते. मात्र, त्यांनी गोळी झाडून आत्महत्या केल्याची माहिती मिळाल्यावर सर्वप्रथम कोणालाही विश्वास बसला नाही पण नंतर मिळालेली माहिती खरी असल्याचे समोर आले.