नवी दिल्ली : Asthma In Monsoon | पावसाळ्यात ताप, खोकला, सर्दी इत्यादी सामान्य आजारांसह दम्यासारखे धोकादायक आजारही पावसाळ्यात वाढतात. पावसाळ्यात या गंभीर आजारापासून स्वतःची काळजी कशी घ्यावी ते जाणून घेऊया. (Asthma In Monsoon)
अस्थमा (Asthma)
अस्थमा म्हणजे दमा हा एक असा आजार आहे, ज्यामध्ये रुग्णाला श्वास घेण्यास खूप त्रास होतो. या आजारात रुग्णाची श्वासनलिका आणि फुफ्फुसावर परिणाम होतो. त्यामुळे श्वास घेणे, श्वास सोडणे आणि दम लागणे इत्यादी समस्या होतात.
अस्थमाची लक्षणे (Asthma Symptoms)
ब्रोन्कोस्पाझम (Bronchospasm)
याच्या सुरुवातीच्या लक्षणांमध्ये ब्रोन्कोस्पाझमचा समावेश होतो. या स्थितीत वायुमार्गाच्या सभोवताली जमणाऱ्या पेशी तयार होतात. ज्यामुळे श्वास सोडणे कठीण होते.
श्लेष्मा (Cough)
दम्याच्या रुग्णांना श्लेष्मा म्हणजे बलगमचा खूप त्रास होतो. कारण जेव्हा श्लेष्मा असतो तेव्हा श्वास घेण्यास खूप त्रास होतो.
सूज (Inflammation)
दम्याच्या रुग्णांच्या फुफ्फुसात, ब्रोन्कियल ट्युबच्या आतील थरांमध्ये सूज येण्याची समस्या होऊ लागते. ज्यामुळे रुग्णांना श्वास घेण्यास खूप त्रास होतो. (Asthma In Monsoon)
अ‍ॅलर्जी आणि व्हायरल इन्फेक्शन (Allergy and Viral Infection Cause Asthma)
पावसाळ्यात अनेक प्रकारचे बॅक्टेरिया आणि विषाणू वाढतात, ज्याचा दम्याच्या रुग्णावर खूप परिणाम होतो. ओलसर वातावरणामुळे घरांमध्ये धूळही साचते, त्यामुळे रुग्णाला श्वास घेण्यास खूप त्रास होतो.
थंड हवामान (Cold Weather)
पावसाळ्यात सतत पडणाऱ्या पावसामुळे वातावरण खूप थंड होते, त्यामुळे श्वसनमार्गात हिस्टामाईनचा स्राव होतो, ज्यामुळे दमा रुग्णांना त्रास होतो.
आर्द्रता (Humidity)
पावसाळ्यात संततधार पाऊस पडत असल्याने अनेक दिवस सूर्यकिरणे लोकांना आणि वातावरणाला मिळत नाहीत. त्यामुळे वातावरण थंड आणि ओलसर होते. अशावेळी व्हिटॅमिन डीची कमतरता उद्भवते आणि आर्द्रतेमुळे फंगस आणि एल्गी वाढू लागतात, ज्यामुळे दमा होतो.
पावसाळ्यात दम्यापासून असा करा बचाव
- पावसाळ्यात गरम अन्न आणि गरम पेयांचे सेवन करा
- वाफ घ्या किंवा साधे पाणी उकळून वाफ देखील घेऊ शकता.
- स्वच्छतेकडे विशेष लक्ष द्या.
- सभोवतालची धूळ आणि माती स्वच्छ करा.
- साफसफाई करताना चेहऱ्यावर मास्क लावा.
- धूम्रपान टाळा. धूम्रपान करणाऱ्या लोकांपासून दूर राहा.
Join our WhatsApp Group, Telegram, facebook page and Twitter for every update
हे देखील वाचा
Raigad Irshalwadi Landslide | इर्शाळगड येथे बचाव मोहिमेचा दुसरा दिवस;
आतापर्यंत 16 जणांचा मृत्यू
