सर्व्हिस रिव्हॉल्व्हरने गोळ्या झाडून पोलीस उपनिरीक्षकाची आत्महत्या

नवी दिल्ली, वृत्तसंस्था : बिहारच्या औरंगाबाद जिल्ह्यात तैनात बिहार पोलिसांच्या एका उपनिरीक्षकाने आत्महत्या केली. औरंगाबाद जिल्ह्यातील अंबा पोलिस ठाण्यात तैनात जितेंद्रकुमार सिंग, वय 56 वर्षे याने स्वतःच्या सर्व्हिस रिव्हॉल्व्हरने आत्महत्या केल्याचे समोर आले आहे.

सब इन्स्पेक्टरने सर्व्हिस रिवॉल्व्हरने स्वत: च्या डोक्यावर गोळी झाडली, ज्यामूळे त्याचा जागीच मृत्यू झाला. मृत उपनिरीक्षक जितेंद्र सिंह मूळचा रोहतास जिल्ह्यातील पवरा गावचा होता. त्याने आत्महत्येची ही घटना कोणत्या कारणास्तव केली आहे, हे सध्या कळू शकले नाही.

पोलिस स्टेशनशी संबंधित लोकांनी सांगितले की, जितेंद्र किरत येथे ड्युटीवर होता, त्यानंतर तो खोलीत विश्रांती घेण्यासाठी गेला. सकाळी पोलिस ठाण्याचे प्रभारीकडून चौकीदाराला त्याला बोलविण्यासाठी पाठविण्यात आले . त्याचवेळी त्याने आपल्या सर्व्हिस रिवॉल्व्हरने स्वत: ला गोळी घातली. गोळी लागल्यानंतर लगेचच पोलिस कर्मचाऱ्याला उपचारासाठी तातडीने सदर रुग्णालयात दाखल करण्यात आले, तेथेच त्याचा मृत्यू झाला. पोलिस स्टेशनच्या माहितीनुसार, गेल्या 10-15 दिवसांपासून जितेंद्र खूप उदास होता. या प्रकरणाची माहिती मिळताच वरिष्ठ पोलिस अधिकारीही घटनास्थळी दाखल झाले आहेत.