[amazon_link asins=’B01F7AX9ZA’ template=’ProductCarousel’ store=’policenama-100′ marketplace=’IN’ link_id=’7434ae4b-a46d-11e8-b241-d3e369b226df’]
एमआयएम नगरसेवक सय्यद मतीन यांनी महानगरपालिकेच्या विशेष सभेत माजी प्रधानमंत्री अटल बिहारी वाजपेयी यांच्या श्रद्धांजली ठरावास विरोध करत वादग्रस्त व्यक्तव्य केले. यामुळे भाजप सदस्यांनी मतीन यांना बेदम मारहाण केली होती. याप्रकरणी आज दुपारी मतीन यांना मारहाण करणारे भाजपचे उपमहापौर विजय औताडे, नगरसेवक प्रमोद राठोड, राज वानखेडे व इतर दोन नगरसेवकांना पोलिसांनी अटक केली.
दरम्यान, या प्रकरणी शनिवारी (दि.१८ ) उपमहापौर विजय औताडे यांनी दिलेल्या तक्रारीवरून सय्यद मतीन यांना अटक करण्यात आली आहे. औताडे यांनी तक्रारीत नमूद केले की, १७ ऑगस्ट रोजी महापालिकेत सर्वसाधारण सभेचे आयोजन केले होते. दुपारी सव्वाबारा वाजेच्या सुमारास महापौर नंदकुमार घोडेले यांच्या अध्यक्षतेखाली सभा सुरू झाली. त्यावेळी माजी पंतप्रधान अटलबिहारी वाजपेयी यांना ठराव मांडून श्रद्धांजली वाहण्यात आली.
[amazon_link asins=’B07BCGC13F’ template=’ProductCarousel’ store=’policenama-100′ marketplace=’IN’ link_id=’7957129a-a46d-11e8-8a03-474a3f103b40′]
सदस्यांची श्रद्धांजलीपर भाषणे चालू असताना एमआयएमचा नगरसेवक सय्यद मतीन रशीद हा सभागृहामध्ये उभा राहिला आणि ओरडून दिवंगत अटलबिहारी वाजपेयी यांच्याविषयी आक्षेपार्ह बोलत होता. यावरून सभागृहात गोंधळ झाला. त्यानंतर तो सभागृहाबाहेर गेला आणि तेथे उभ्या असलेल्या लोकांना चिथावणी दिल्याचे तक्रारीत म्हटले आहे.