अयोध्या : ‘लॉकडाऊन’ हटवल्यानंतर सुरू होणार राम मंदिर निर्माण, ट्रस्टला मिळाले जन्मभूमी परिसराची कागदपत्रं

नवी दिल्ली, वृत्तसंस्था : उत्तर प्रदेशमधील अयोध्यामध्ये वादग्रस्त जागेसह रामजन्मभूमीच्या मालकीसाठी मंडलायुक्त यांनी रामजन्मभूमी तीर्थ क्षेत्र ट्रस्टकडे कागदपत्रे सोपविली आहेत. ट्रस्टच्या मते, सध्याची परिस्थिती सामान्य झाल्याबरोबरच मंदिराचे बांधकाम सुरू करण्यात येईल. देशात लागू असलेले लॉकडाऊन उघडताच राम मंदिराचे बांधकामही सुरू होईल. मंदिर बांधण्याच्या प्रक्रियेआधी ट्रस्टचे सर्व अधिकारी अयोध्येत राहतील. तसेच देशाची सुरक्षा सर्वोपरि आहे. त्यामुळे लॉकडाऊन उघडल्यानंतरच राम मंदिराचे बांधकाम वेगाने सुरू केले जाऊ शकते.

रामजन्मभूमीतील राम मंदिरावरील कित्येक वर्षांपासून सुरू असलेला वाद हा 9 नोव्हेंबर रोजी संपला. 5 फेब्रुवारीला राम जन्मभूमी परिसराचा चार्ज ट्रस्टकडे सोपवण्यात आला. त्यानंतर रामजन्मभूमी तीर्थ क्षेत्र ट्रस्टने मंदिराच्या उभारणीची प्रक्रिया जलद गतीने करत टेंटमध्ये विराजमान भगवान श्री राम लला यांना परिसरातील एका तात्पुरत्या बुलेट प्रूफ मंदिरात बसविले. आता मंदिर बांधण्याची तयारी जोरात सुरू आहे.

अडथळा नाही, ट्रस्टला पूर्ण हक्क मिळाले आहेत: चंपत राय

या दरम्यान मंदिर बांधण्यापूर्वी 2.77 एकरसह 67 एकर जमीनदेखील ट्रस्टला देण्यात आली होती आणि सर्व कागदपत्रे ट्रस्टच्या सदस्यांकडे प्राप्तकर्ता मंडलायुक्त यांनी दिली आहेत. मंदिर बांधणीची प्रक्रिया स्पष्ट करताना ट्रस्टने म्हटले आहे की आता बांधकामात अडथळा निर्माण होणार नाही कारण आज ट्रस्टला सर्व हक्क मिळाले आहेत. राम जन्मभूमी तीर्थ क्षेत्र ट्रस्टचे सरचिटणीस चंपत राय यांनी सांगितले की परिस्थिती सामान्य झाल्याबरोबर मंदिर बांधण्याचे कामही सुरू केले जाईल.

देशाची सुरक्षा ट्रस्टला मान्य आहे, तसेच राम जन्मभूमी परिसराची कागदपत्रे घेताना सांगितले की रामजन्मभूमी परीसराचे प्राप्तकर्ता आणि अयोध्याचे मंडलायुक्त यांनी या निर्णयानंतर अयोध्या राजा बिमलिंदर मोहन मिश्रा यांच्याकडे हा कार्यभार सोपविला, त्यानंतर आता या वादग्रस्त जागेसह संपूर्ण परिसरातील 67 एकर जागा ट्रस्टच्या ताब्यात देण्यात आली आहे.