‘आयुष्मान भारत’ अंतर्गत आता सरकारी आणि खासगी रुग्णालयांना मिळणार स्टार ‘रेटिंग’, जाणून घ्या पॅरामीटर्स ?

नवी दिल्ली : वृत्तसंस्था – आयुष्मान भारत प्रधानमंत्री जन आरोग्य योजनेत समाविष्ट असणारी सरकारी व खासगी दोन्ही रुग्णालयांना आता विशिष्ट आरोग्य सेवा निर्देशकांवर आधारित ‘स्टार रेटिंग’ मिळणार आहे. अधिकाऱ्यांनी याबाबत माहिती दिली. आयुष्मान भारत यांच्या प्रधानमंत्री जन आरोग्य योजनेत समाविष्ट असलेल्या रुग्णालयांविषयीच्या मार्गदर्शक सूचनांनुसार, सूचीबद्ध रुग्णालयांना सहा गुणवत्तेच्या निकषांवर स्टार रेटिंग देण्याचा प्रस्ताव देण्यात आला आहे. यामध्ये प्रभावी, वेळेवर, सुरक्षित, रुग्ण-केंद्रित, यशस्वी आणि योग्य आरोग्यसेवेचा समावेश करण्यात आला आहे.

5 स्टारपर्यंत दिले जाईल रेटिंग
राष्ट्रीय आरोग्य प्राधिकरणाने (एनएचए) ही मार्गदर्शक तत्त्वे जारी केली आहेत. प्राधिकरणाचे सहसंचालक जे.एल. मीना म्हणाले की, सार्वजनिक आणि खाजगी दोन्ही रुग्णालयांना आरोग्य सेवा निर्देशकांच्या संचाच्या आधारे स्टार रेटिंग देण्याच्या प्रस्तावाला या योजनेंतर्गत मान्यता देण्यात आली आहे. मार्गदर्शक सूचनांच्या आधारे या प्रस्तावाची अंमलबजावणी केली जाईल. रुग्णालये 5 स्टार मिळविण्यास सक्षम असतील, जे काही निकष पूर्ण केल्यावर प्राप्त केलेल्या गुणांच्या आधारे ठरविले जातील.

आयुष्मान इंडियामध्ये आता 23 हजार रुग्णालयांचा समावेश
यामध्ये रुग्णालयांमध्ये अडवान्स आणि सुपर स्पेशलाइज काळजी, रूग्णांपर्यंत पोहोचण्यासाठी लागणारा वेळ, त्यांना रुग्णालयातून सोडण्यात येण्यास लागणारा वेळ, रुग्णाच्या उपचारांवर समाधानी असण्याशी संबंधित अंक इ. समावेश आहे. सध्या देशभरात 23,000 हून अधिक रुग्णालये आयुष्मान योजनेंतर्गत येत आहेत. 5 स्टार मिळविण्यासाठी रुग्णालयांना 90 टक्के किंवा त्याहून अधिक गुण मिळवावे लागतात. मार्गदर्शक तत्त्वांमध्ये असे म्हटले आहे की रेटिंगचे मासिक आधारावर पुनरावलोकन केले जाईल. मीना यांनी म्हंटले कि, रुग्णालयांचे स्टार रेटिंग आयुष्मान भारत योजनेच्या अधिकृत वेबसाइट आणि त्याच्या मोबाइल ॲपवर प्रकाशित केली जाईल. ही योजना सप्टेंबर 2018 मध्ये सुरू करण्यात आली होती, तेव्हापासून देशातील या योजनेंतर्गत किमान 1,08,99,888 लाभार्थींवर उपचार केले गेले.