Facebook Live करत डॉ. शीतल आमटे यांनी केली होती भ्रष्टाचाराची पोलखोल ! विषारी इंजेक्शन घेतलेल्या अवस्थेत मिळाला मृतदेह
file photoनवी दिल्लीः वृत्तसंस्था – प्रसिद्ध समाजसेवक बाबा आमटे यांच्या नातीचा विषाच्या इंजेक्शनमुळे झालेल्या मृत्यूला आत्महत्या मानले जात आहे, परंतु पोलिसांना याबद्दल पूर्ण खात्री नाही. हे संशयास्पद मृत्यू देखील मानले जात आहे कारण काही दिवसांपूर्वी बाबा आमटे यांच्या नातीने आनंदवन नावाच्या संस्थेत होत असलेल्या करप्शनचे फेसबुक लाईव्ह केले होते.
प्रसिद्ध समाजसेवक व कुष्ठरोग्यांसाठी आनंदवन नावाची संस्था चालवणाऱ्या डॉ. बाबा आमटे यांची नात डॉ. शीतल आमटे यांना वरोरा शहरातील आनंदवन येथील निवासस्थानी विष इंजेक्शन लावल्यानंतर सोमवारी मृत्यूची माहिती मिळाली. हे कुटुंब जिथे ही आत्महत्या सांगत आहे, तेथे पोलिसांचे म्हणणे आहे की, पोस्टमार्टम रिपोर्टनंतरच काही सांगता येऊ शकते.
डॉ. शीतल आमटे आनंदवन अंतर्गत कार्यरत असलेल्या ‘महारोगी सेवा समिती’चे मुख्य कार्यकारी अधिकारी आणि संचालक होत्या आणि गेल्या अनेक वर्षांपासून पती आणि कुटूंबाच्या सहकार्याने संस्थेत आलेल्या कुष्ठरोग्यांसाठी दिवसरात्र सेवा करत होत्या.
सूत्रांनी सांगितले आहे की, डॉ शीतल आमटे यांनी विषाच्या इंजेक्शनने आपले जीवन संपवले आहे, परंतु मृत्यूचे खरे कारण अद्याप समोर आले नाही. डॉ. शीतल आमटे या विकास आमटे आणि भारती आमटे यांची मुलगी आणि डॉ प्रकाश आमटे यांची भाची होत्या.
72 वर्षांपासून चंद्रपूर जिल्ह्यातील वरोरा तहसील आनंदवन येथील आमटे कुटुंबाने कुष्ठरोग्यांच्या सेवेसाठी आपले जीवन समर्पित केले आहे. कुटुंबीय सुप्रसिद्ध समाजसेवक पद्मभूषण बाबा आमटे यांच्या आदर्शांचे अनुसरण करीत होते, पण पूर्वी बाबा आमटे यांची नात डॉ. शीतल यांनी फेसबुकवर आनंदवनमधील करप्शनविषयी लाईव्ह केले होते.
फेसबुक लाईव्हवरील वादानंतर डॉ. शीतल यांनी फेसबुकवरून हा व्हिडिओ पोस्ट हटवला होता आणि शीतल यांच्या या कृत्याला संपूर्ण आमटे कुटुंबीयांनी याला विरोध करत जाहीरपणे पत्र पाठवले आणि डॉ. शीतल आमटे यांचे मानसिक संतुलन बिघडले असून त्यांच्यावर उपचार सुरू असल्याचे म्हटले होते. डॉ. शीतल यांच्या आकस्मिक निधनाने संपूर्ण आमटे कुटुंबाला धक्का बसला आहे.
आत्तापर्यंत आत्महत्येचे खरे कारण कळू शकलेले नाही, परंतु कौटुंबिक वादात आत्महत्या केल्याचे सांगितले जात आहे. चंद्रपूरच्या शासकीय रुग्णालयात शवविच्छेदनानंतर मृतदेह वरोरा येथील आनंदवन येथे नेण्यात आला आणि बाबा आमटे यांच्या समाधीशेजारी डॉ शीतल यांना दफन करुन अंत्यसंस्कार करण्यात आले.
सध्या पोलिसही या संदर्भात जास्त बोलण्यास टाळाटाळ करत आहेत आणि डॉ. शीतल यांच्या मृत्यूचे कारण शोधण्यास गुंतले आहेत. चंद्रपूरचे एसपी अरविंद साळवे यांनी दिलेल्या माहितीनुसार, पोस्टमॉर्टम रिपोर्ट आल्यानंतरच खरी कारणे कळू शकतील.