Bad Cholesterol | ‘ही’ एक गोष्ट खाल्ल्याने नसांमध्ये जमणार नाही ‘बॅड कोलेस्ट्रॉल’, आजपासून खायला करा सुरूवात

पोलीसनामा ऑनलाइन टीम – Bad Cholesterol | भारतात करोडो लोक हृदयविकाराने (Heart Disease) त्रस्त आहेत आणि हा आकडा सातत्याने वाढत आहे. अलिकडच्या वर्षांत, कार्डिओ व्हॅस्कुलर डिसीज (CVD) मुळे मृत्यू होण्याचे प्रमाण देखील देशात वाढले आहे. सर्वात आश्चर्याची बाब म्हणजे हृदयविकारामुळे 20 ते 40 वयोगटातील लोकांनाही या काळात जीव गमवावा लागला आहे. जेनेटिक्स, डायबिटीज, धूम्रपान-दारू , खराब जीवनशैली आणि कोलेस्टेरॉलची वाढती पातळी ही हृदयविकाराची प्रमुख कारण मानली जातात. (Bad Cholesterol)

 

कोलेस्टेरॉल हा एक फॅटी पदार्थ आहे जो शरीरात आढळतो जो सेल मेंब्रेन बनवण्याचे काम करतो. हे दोन प्रकारचे असते ज्यामध्ये गुड कोलेस्ट्रॉल आणि बॅड कोलेस्ट्रॉलचा समावेश होतो. गुड कोलेस्टेरॉल शरीराच्या आरोग्यास प्रोत्साहन देते तर खराब कोलेस्टेरॉलमुळे रक्तवाहिन्यांमध्ये प्लाक तयार होऊ शकते आणि अडथळे निर्माण होतात. यामुळे स्ट्रोक, हृदयविकाराचा झटका आणि कार्डियाक अरेस्टचा धोका वाढतो. (Bad Cholesterol)

 

त्याची लक्षणे सुरुवातीला फारशी गंभीर नसतात पण जर तुम्हाला वाईट कोलेस्टेरॉलचा त्रास दीर्घकाळ होत असेल तर त्याचे परिणाम भयंकर असू शकतात. तुमच्या जीवनशैलीत आणि आहारात छोटे बदल करून तुम्ही हा आजार वाढण्यापासून रोखू शकता. आहारात एका महत्त्वाच्या खाद्यपदार्थाचा समावेश करून तुम्ही काही आठवड्यांत वाढलेले कोलेस्ट्रॉल 30 टक्क्यांनी कमी करू शकता.

ओट्स कमी करेल हाय कोलेस्ट्रॉल
डॉक्टरांपासून ते आहारतज्ज्ञांपर्यंत सकाळच्या नाश्त्यामध्ये फायबरयुक्त पदार्थ खाण्याचा सल्ला देतात. यामुळे शरीराला दिवसभर काम करण्यासाठी ऊर्जा आणि पोषण मिळते. ओट्समध्ये भरपूर फायबर, जीवनसत्त्वे आणि अनेक प्रकारचे पोषकतत्व असतात, जे सकाळी नाश्त्यात घेतल्यास शरीराला अनेक फायदे मिळतात. देशातील फिटनेस आणि वेलनेस ऑर्गनायझेशन एबलनुसार, ओट्स शरीरातील कोलेस्टेरॉलची पातळी कमी करण्यास मदत करू शकतात. ओट्समध्ये विरघळणारे आणि न विरघळणारे असे दोन्ही प्रकारचे फायबर असते जे शरीराची पचनसंस्था निरोगी ठेवण्यासाठी आवश्यक असतात. विरघळणारे फायबर बीटा ग्लुकन शरीरातील खराब कोलेस्टेरॉल कमी करण्यात आणि जुनाट आजार दूर करण्यात महत्त्वाची भूमिका बजावते.

 

हृदयरोगांवर काम करणारी यूकेची संस्था, हार्ट यूकेनुसार, ओट्समध्ये असलेले फायबर शरीरात जाते, तेव्हा ते जेलमध्ये बदलते आणि आतड्यांमध्ये कोलेस्टेरॉल-युक्त बाईल अ‍ॅसिड बांधण्याचे कार्य करते, जे रक्तप्रवाहात कोलेस्ट्रॉलचे प्रमाण मर्यादित ठेवण्यास मदत करते. यामुळे, यकृताला पित्त बनवण्यासाठी रक्तातून अधिक कोलेस्टेरॉल काढून टाकावे लागते, ज्यामुळे रक्तातील कोलेस्टेरॉल कमी होते.

 

कोलेस्ट्रॉल कमी करण्यासोबतच फायबरयुक्त पदार्थ खाल्ल्याने पोट जास्त काळ भरलेले राहते, ज्यामुळे वजन नियंत्रित राहण्यासही मदत होते.
जर तुम्ही नट, वेगवेगळ्या बिया आणि फळे मिसळून ओट्स खाल्ले तर शरीराला भरपूर पोषकतत्व मिळू शकतात.

यासोबतच जीवनशैलीतील बदलही कोलेस्ट्रॉल कमी करण्यास मदत करू शकतात. विविध प्रकारचे सॉसेज, लोणी,
बिस्किटे आणि पनीरमध्ये आढळणार्‍या सॅच्युरेटेड फॅट्सचे सेवन कमी करूनही कोलेस्ट्रॉल नियंत्रित केले
जाऊ शकते. तसेच, जर तुम्ही दररोज व्यायाम केला आणि दारूचे सेवन केले नाही,
तर तुमचे एकंदर आरोग्य चांगले राहील आणि कोलेस्ट्रॉलही चांगले राहील.

 

फक्त आणि फक्त आरोग्याच्या (हेल्थ) बातम्यांसाठी ज्वाईन करा आमचा स्पेशल टेलिग्राम ग्रुप, फक्त क्लिक करा

 

(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही.
त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)

 

Web Title :- Bad Cholesterol | diet in high cholesterol oats can reduce cholesterol by 30 percent in a few weeks

 

Join our WhatsApp GroupTelegramfacebook page and Twitter for every update

 

हे देखील वाचा

NEMS School Pune | आजी आजोबांनी निभावली परीक्षकांची भूमिका; एनईएमएस शाळेचा अनोखा उपक्रम

 

Maharashtra Municipal Election | शिंदे गटासोबत युती करणार?, मनसेचं मोठं विधान

 

Pune Pimpri Crime | रिक्षा चालकाकडून अल्पवयीन मुलीवर लैंगिक अत्याचार, वाकड परिसरातील घटना