कात्रप विद्यालयात शिकणाऱ्या नववी आणि दहावीच्या स्काऊट गाईडच्या विद्यार्थ्यांचा कॅम्प कात्रप डोंगरावर गेला होता. सकाळी सात वाजताच्या सुमारास या विद्यार्थ्यांनी डोंगर चढायला सुरुवात केली.
आठ वाजता डोंगराच्या माथ्यावर पोहचल्यानंतर त्यांनी परतीच्या प्रवासाला सुरुवात केली. मात्र डोंगराच्या मध्यभागी असलेल्या तीव्र उतारावर पूर्वा आणि अपूर्वा या दोन विद्यार्थिनींचा तोल गेला आणि त्या घरंगळत खाली आल्या. या अपघातात या दोघीही गंभीर जखमी झाल्याने त्यांना तातडीने जवळच्या खासगी रुग्णालयात नेण्यात आलं, मात्र पूर्वाचा उपचारांआधीच मृत्यू झाला. तर जखमी झालेल्या अपूर्वावर उपचार सुरु आहेत.
या घटनेमुळे पूर्वा राहत असलेल्या परिसरात शोककळा पसरली आहे. या घटनेला शाळेचा निष्काळजीपणा कारणीभूत आहे का? याचा तपास सध्या बदलापूर पूर्व पोलिस करत आहेत. या प्रकरणी आकस्मित निधनाची नोंद पोलीस ठाण्यात करण्यात आली आहे.
उच्च शिक्षिताला घातला ४९ लाखांचा गंडा
डोंबिवली:ऑनलाईनच्या माध्यमातून उच्च शिक्षिताला सुमारे ४९ लाख रुपयांचा गंडा घातल्याची घटना सोमवारी डोंबिवलीत उघडकीस आली. महागडे मोबाइल आणि टीव्ही घेण्यासाठी त्यांनी चक्क आपल्या मित्रांकडून उसने पैसे घेतले, बँकांकडून कर्ज काढले. त्यानंतर याप्रकरणी आपली फसवणूक झाल्याचे लक्षात येताच सेल्स मॅॅनेजर ए. आर. कनिश, सेल्स मॅनेजर मोहम्मद इब्राहिम युसुफ, क्लेअरिंग एजंट अरुण जोश, डिलिवरी मॅन अ‍ॅलेक्स आणि फिलीप या पाच जणांविरोधात त्यांनी रामनगर पोलीस ठाण्यात फसवणुकीचा गुन्हा दाखल केला.