तुम्ही काय करता, काय पाहता हे त्यांना माहितीय
काही वेबसाईट मालवेअरचा वापर करून युजरचे फोटो, टेक्स्ट आदी गोळा करत आहेत. क्वार्टझ् ने दिलेल्या अहवालात ही बाब उघड झाली आहे. शिवाय एखादा पॉर्न व्हिडिओ पाहत असताना तो कुठे कुठे थांबवला गेला, कोणता भाग पुन्हा पुन्हा पाहिला गेला, कोणत्या प्रकारचे व्हिडिओ पाहायला आवडतात आदींची माहिती गोळा करतात. यासाठी बोट्सचाही वापर केला जातो. हा प्रकार अन्य व्हिडिओ स्ट्रिमिंग वेबसाईटकडून केला जात नाही. म्हणजेच अॅडल्ट वेबसाईट युजरची प्रत्येक हालचाल टिपत असतात.
असे पाडले जाते मोहात
ऑनलाईन इंडस्ट्रीमध्ये युजरचा डेटा हा एक मलईचा प्रकार बनला आहे. यामुळे फेसबुकसारख्या सोशल मिडियालाही हा डेटा विक्रीतून मोठा नफा कमवण्याचा मोह आवरता आलेला नाही. या डेटामध्ये नाव, फोटो, पत्ता, आवडत्या गोष्टी, स्वभाव आदी बाबी अन्य कंपन्यांना विकण्यात येतात. याचा वापर करून जाहीरात कंपन्या तुम्हाला लक्ष्य करतात. मात्र, पॉर्न वेबसाईट युजरची खासगी माहितीही चोरत असल्याचे एका अभ्यासात समोर आले आहे. हे खूपच धोकादायक आहे.