पोलीसनामा ऑनलाइन टीम – झोप ही एक नैसर्गिक प्रक्रिया आहे, जी सतत ठराविक कालावधीच्या अंतराने सुरू असते. माणसाच्या शरीराला झोप अतिशय आवश्यक आहे. झोप घेतली नाही किंवा कमी प्रमाणात घेतली तर त्याचे शरीरावर वाईट परिणाम दिसून येतात. मानसिक आणि शारीरीक आरोग्य धोक्यात येऊ शकते. यासाठी शांत आणि संपूर्ण झोप व्यक्तीसाठी आवश्यक असते. किमान 7-8 तास झोप घेणे आवश्यक आहे. यापेक्षा कमी झोप घेणे चांगले नाही. शिवाय झोपण्याच्या काही पद्धती आहेत, त्यांचाही झोपेवर चांगला-वाईट परिणाम होत असतो. काही तज्ज्ञांना संशोधनात असे आढळून आले आहे की, कपडे न परिधान करता झोपल्यास शरीराला अनेक फायदे होतात.
रात्री झोपताना सैल आणि मुलायम कपडे घालावेत असे सांगीतले जाते. अनेक संशोधकांनी असे म्हटले आहे की न्यूड झोपल्याने अनेक फायदे होतात. हे फायदे कोणते ते जाणून घेवूयात.
हे आहेत फायदे
1. अनेक लोकांना निद्रानाशाची समस्या असते. त्यामुळे ते त्रस्त असतात. यासाठी काहीजण आहारात बदल करतात तर काहीजण औषधांचा आधार घेतात. पण तुम्हाला विश्वास बसणार नाही पण कपडे न घालता झोपल्यास चांगली झोप लागते.
2. विनाकपडे झोपल्याने शरीराचे योग्य तापमान ठेवले जाते. जेव्हा शरीराचे तापमान वातावरणाच्या तापमानापेक्षा जास्त होते, तेव्हा या स्थितीत शरीरात मेलाटोनिन आणि हार्मोन्समध्ये वाढ होऊ शकते. या स्थितीला नियंत्रणात ठेवण्यासाठी विना कपडे झोपणे अधिक लाभदायक असते.