Benifits Of Drinking Coffee | ‘कॉफी लव्हर्स’साठी आली अशी खुशखबर; जाणून व्हाल खुश!
पोलीसनामा ऑनलाइन टीम – Benifits Of Drinking Coffee | रोज कॉफी पिणे हा अनेकांच्या दिनक्रमाचा भाग असतो. कॉफी पिणे आरोग्यासाठी हानिकारक आहे, हे अनेकदा ऐकले असेल, पण नुकत्याच झालेल्या एका संशोधनात कॉफीच्या रोजच्या सेवनाबाबत एक मोठा खुलासा झाला आहे. संशोधनात काय समोर आले आहे ते जाणून घेऊया (Benifits Of Drinking Coffee).
कॉफी प्यायल्याने वाढते आयुष्य
चीनमधील ग्वांगझू येथील सदर्न मेडिकल युनिव्हर्सिटीच्या संशोधकांनी कॉफी पिणारे, विना साखरेची कॉफी पिणारे आणि स्वीटनर टाकून कॉफी पिणारे यांच्या आरोग्याच्या वर्तनावर संशोधन केले आहे. या संशोधनातून समोर आले आहे की जे लोक कमी साखर किंवा विना साखरेची कॉफी पितात, त्यांचे आयुष्य वाढते. याच संशोधनात असे आढळून आले की कॉफी प्यायल्याने मृत्यूचा धोका कमी होतो आणि व्यक्तीचे आयुष्य सात वर्षांनी वाढते. इंटर्नल मेडिसिनमध्ये प्रसिद्ध झालेल्या अहवालात कृत्रिम स्वीटनर टाकून कॉफी प्यायल्याने लोकांचे वय वाढते की नाही याचा उल्लेख नाही. (Benifits Of Drinking Coffee)
एक लाखाहून अधिक लोकांवर संशोधन
या संशोधनात 1,71,000 हून अधिक लोकांचा समावेश करण्यात आला होता. हे लोक पूर्णपणे निरोगी होते. त्यांना कोणत्याही प्रकारचा हृदयविकार किंवा कर्करोग (Heart Disease, Cancer) नव्हता. संशोधनात असे आढळून आले आहे की जे लोक विना साखरेची कॉफी पितात त्यांच्या मृत्यूची शक्यता कॉफी न पिणार्या लोकांपेक्षा 16 ते 21 टक्के कमी होते. याशिवाय असे आढळून आले आहे की जे लोक दिवसातून 3 कप साखरयुक्त कॉफी पितात त्यांचा मृत्यू कॉफी न पिणार्या लोकांपेक्षा 29 ते 31 टक्के कमी असतो, परंतु हे असे लोक होते जे कॉफीत केवळ एक चमचा साखर मिसळून पित होते.
कॉफी पिणे वाईट नाही
या संशोधनात, लोक त्यांच्या कॉफीमध्ये दररोज टाकलेल्या साखरेचे प्रमाण कोणत्याही रेस्टॉरंटच्या विशिष्ट पेयांपेक्षा कमी असल्याचे आढळून आले.
या संशोधनाच्या आधारे असे म्हणता येईल की कॉफी पिणे वाईट नाही, परंतु जास्त कॅलरीची कॉफी पिणे नेहमीच टाळले पाहिजे.
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही.
त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Web Title :- Benifits Of Drinking Coffee | know here benefits of drinking coffee foods that increase life span new research on coffee
Join our WhatsApp Group, Telegram, facebook page and Twitter for every update
Anti Corruption Bureau (ACB) Nanded | लाच घेताना पकडलेल्या पोलिसाचे एसीबीच्या जाळ्यातून पलायन