Best Stock | घसरणार्‍या बाजारात RIL मध्ये पैसे लावण्याचा सल्ला, 3400 रुपयांपर्यंत जाऊ शकतो स्टॉक
file photoनवी दिल्ली : वृत्तसंस्था – जागतिक स्तरावर शेअर बाजारांमध्ये घसरण होत असताना, ब्रोकरेज हाऊस जेफरीजला अपेक्षा आहे की रिलायन्स इंडस्ट्रीजच्या शेअर्सच्या बाबतीत त्यांच्या शेअर्सचा गुंतवणूकदारांना खूप फायदा होईल. रिफायनिंग मार्जिन लक्षात घेऊन, रिल च्या रेटिंगमध्ये सुधारणा करण्यात आली आहे.
उद्योगपती मुकेश अंबानी यांची कंपनी रिलायन्स इंडस्ट्रीजबाबत परदेशी ब्रोकरेज हाऊसेस सतत त्यांचा दृष्टिकोन बदलत आहेत आणि गुंतवणूकदारांना रिलचे शेअर्स खरेदी करण्याचा सल्ला देत आहेत.
मे महिन्यात मॉर्गन स्टॅनली आणि जूनमध्ये जेपी मॉर्गनने रेटिंग सुधारल्यानंतर आता जेफरीजने रिलायन्सच्या शेअरच्या टार्गेट प्राईसमध्ये वाढ केली आहे.
शेअरची किंमत 34 टक्क्यांनी वाढेल
ब्रोकरेज हाऊस विश्लेषकांनी कंपनीच्या शेअरची टार्गेट प्राईस 3,400 रुपये केली आहे, जी सध्याच्या पातळीपेक्षा 34 टक्क्यांनी जास्त आहे. बुधवारी व्यवहाराअंती रिलायन्स इंडस्ट्रीजचा शेअर 3.18 टक्क्यांच्या घसरणीसह 2,502 रुपयांवर बंद झाला.
ऊर्जा क्षेत्रातील वाढत्या महागाईचा फायदा रिलायन्सला मिळणार असल्याचे जेफरीजने आपल्या अहवालात म्हटले आहे.
यात म्हटले आहे की, वार्षिक रिफायनिंग मार्जिनमध्ये प्रति बॅरल 1 सुधारणेसह, रिलचा एकत्रित एबिटा अंदाजे 40-45 कोटी डॉलरने वाढतो.
जास्त चांगला नफा अपेक्षित
जेफरीजच्या आधी, ब्रोकरेज हाऊस जेपी मॉर्गनने, रिलायन्सचे रेटिंग बदलताना, त्याचे न्यूट्रलवरून ओव्हरवेट करत, त्याच्या स्टॉकसाठी 3,170 रुपये टार्गेट प्राईस निश्चित केली आहे. यासह मॉर्गन स्टॅन्लेनेही बदल केले आणि टार्गेट वाढवून 3,253 रुपये केले.
यापूर्वी, स्टॉकसाठी 2,575 रुपयांचे टार्गेट ठेवण्यात आले होते. रिफायनिंग मार्जिन लक्षात घेऊन ब्रोकरेज हाऊसेसने त्यांचे अंदाज सुधारले आहेत. आगामी काळात कंपनीचा नफा अधिक चांगला होईल, अशी आशा या अहवालात व्यक्त करण्यात आली आहे.
गुंतवणूकदारांसाठी फायद्याचा सौदा
जेफरीज यांनी रिलायन्सच्या शेअर्समधील गुंतवणूक हा फायदेशीर करार असल्याचे म्हटले आहे.
सध्या जगभरातील शेअर बाजारात ज्या प्रकारची घसरण सुरू आहे,
त्या वातावरणात रिलायन्सच्या शेअरना दिलासा मिळत असल्याचे विश्लेषकांचे म्हणणे आहे.
ऊर्जा क्षेत्रातील चलनवाढ केवळ भारतातच नव्हे तर जगभरात झपाट्याने वाढत आहे आणि या क्षेत्रात रिलायन्सचा मोठा वाटा आहे.
अशावेळी रिफायनिंग मार्जिन लक्षात घेऊन ब्रोकरेज हाऊसेसने रिलायन्सचे रेटिंग सुधारताना त्यावर डाव लावण्याचा सल्ला दिला आहे.
(डिस्क्लेमर : – याठिकाणी केवळ शेअरच्या परफॉर्मन्सची माहिती (Share Performance Information) दिली आहे. हा गुंतवणुकीचा सल्ला नसून शेअर मार्केट मधील (Stock Market) गुंतवणूक ही जोखमीवर अवलंबून असते. त्यामुळे गुंतवणूक करण्यापूर्वी तज्ज्ञांचा सल्ला आणि मार्गदर्शन घेणे आवश्यक आहे. येथे दिलेला मजकूर केवळ माहितीच्या हेतूने दिलेला आहे. www.policenama.com कडून कुणालाही पैसे लावण्याचा कधीही सल्ला दिला जात नाही.)
Web Title :- Best Stock | jefferies outlook for mukesh ambani ril an upside of 34 pc from the current levels
Join our WhatsApp Group, Telegram, facebook page and Twitter for every update