थोरातांना धक्का ! काँग्रेसचे आ. कांबळे यांचा आमदारकीचा राजीनामा, शिवसेनेत जाणार

अहमदनगर : पोलीसनामा ऑनलाइन – काँग्रेसचे आमदार भाऊसाहेब कांबळे यांनी काँग्रेस पक्ष सोडून शिवसेनेत प्रवेश करण्याचा निर्णय घेतला आहे. त्यामुळे काँग्रेस पक्षाचे प्रदेशाध्यक्ष आ. बाळासाहेब थोरात यांना मोठा धक्का बसला आहे. आ. कांबळे यांना रात्री आमदारकीचा राजीनामा विधानसभेचे सभापती हरिभाऊ बागडे यांच्याकडे  दिला आहे. सेना पक्षप्रमुख उद्धव ठाकरे यांची त्यांनी भेट घेतली. बैठकीनंतर त्यांनी पक्ष सोडण्याचा निर्णय घेतला आहे.

आ. कांबळे यांनी काँग्रेस पक्षाकडून लोकसभेची निवडणूक लढवली होती. त्यात त्याचा पराभव झाला होता. कांबळे हे गृहनिर्माण मंत्री राधाकृष्ण विखे यांचे कट्टर समर्थक होते, पण त्यांनी थोरात यांची साथ धरली होती. रात्री त्यांनी थोरात यांची साथ सोडली. आमदार कांबळे यांनी सेनेचे कार्याध्यक्ष उद्धव ठाकरे यांच्याबरोबर बैठक झाली.

यावेळी सेनेचे जिल्हाध्यक्ष रावसाहेब खेवरे, खासदार प्रताप जाधव, उद्योगमंत्री सुभाष देसाई हे उपस्थित होते. कांबळे यांना सेनेने विधानसभेची उमेदवारी देण्याचे कबूल केले. कांबळे यांचा हा निर्णय थोरातांना मोठा धक्का देणारा आहे.